Todo o Nada
Quiquek eta bere anaiak Paso A Paso taldea osatzen zuten pasa den otsailaren 4ra arte, musika banda ofizialki desegin arte. Halabaina, Paso A Pasok bere bidea egin zuen eta grabaturiko CD bakarrak 2.000 kopia saldu zituen Gaztelako eta Herrialde Katalanetako 7 banaketa etxe alternatiboei esker. Baina hori ez zen Quiquek musikarekin zeukan lehenengo hartuemana. 1995ean, 14 urte baino ez zituela bere maketak grabatzen zituen kaseteetan, eta 3 urte beranduago, Kolumna De Urruti punk taldean aritu eta maketa eta fanzinea atera zuen. Sustrai guzti horiek bideratu dute Quique aurten Todo O Nada kantautore marka sortzera eta dagoeneko laster argitaratuko duen "Despierto de repente" CDko abestiak prest ditu Itzubaltzeta / Erromoko zein inguruko entzuleei kantatzeko.
Tipico Pero Cierto
Largok osatzen du Tipico Pero Cierto kantautore marka, eta urte batez ibili da bere abestiak barreiatzen leku batetik bestera. Halere, bere musikazaletasuna asetzeko nahikorik ez eta Tipico Pero Ciertoz gain beste proiektu askotan ibilia da. Horrela, De Blankon taldeko abeslaria izan zen hiru urtez eta "Nuestra utopia… vuestra desgracia" maketa grabatu zuen Sorgintxulo gaztetxean Erik eta Garridorekin batera. Horrezkero, Kadena De WC taldean jardun du ahotsa jartzen eta kitarra jotzen. Tipico Pero Ciertorentzat 19 abesti erditu ditu Largok, haietatik bi Paso A Pasoren eta Regocijo En El Fangoren bertsioak. Kanta guztiak bilduko ditu "Corren malos tiempos para ser anarquista... ¡sincronicemos la utopia!" CDan, tartean "Marchate (mp3)" honako hau.
Ametsa Distri banaketa etxe alternatiboaren eskutik, kantautoreen errezitaldia izango da bihar, asteazkena, Itzubaltzeta gaztetxean. Kultur ekitaldia 20:03an hasiko da eta bi kantautorek hartuko dute parte: Madrilgo Todo O Nada eta Algortako Tipico Pero Cierto. Ametsa Distriko kideek jakinarazi dutenez, edonork gozatu ahal izango du kontzertu horretaz, izan ere, sarrera 3 eurotan salduko bada ere diru kopuru hori ordaintzerik ez duenik sartzeko aukera izango du. Bilduko den dirua Tipico Pero Ciertoren "Corren malos tiempos para ser anarquista... ¡sincronicemos la utopia!" hurrengo CDa kaleratzako erabiliko da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun