“Dagoeneko Bizkaiko udal askok jarri dituzte martxan Eguneko Udalekuak, txikienek oporraldian zehar atsedena hartu eta ondo pasatzeko gurasoak lasaiago dauden bitartean, seme-alabak olgetandaudela jakinda. Getxon horrelakorik ez dago alkateak urtez urte martxan jartzearu uko egin diolako", gaineratu du zinegotzi popularrak.
"Getxon haur kopuru zabala daukagu eta horregatik haurren oporraldiak eta gurasoen lana bateragarriak izaten laguntzen duten horrelako programak behar ditugu. Horregatik apirilaren 28an izango den datorren Udal Batzarrean arazo honi irtenbidea ematea proposatuko dugu", azaldu du Arruek. Gainera, bere ustez, proposamen hori gauzatuko balitz gurasoek ez lukete aitona-amonen beharrean egon umeak zaintzeko.
Oporraldietan haurrentzako aisialdi programak sortzea eskatuko du Getxoko PPk
Getxoko Alderdi Popularrak udako oporraldietara begira umeentzako aisialdi programak sortzea eskatuko du hurrengo Udal Batzarrean. Neurri horren bitartez popularrek Getxoko gurasoen bizitza erraztu nahi dute, familia eta lana uztartzeko lagungarria izango delakoan. Dagoeneko, Marisa Arrue Getxoko PPko bozeramaileak mozioa aurkeztu du udal erregistroan, "beste udal batzuetan" egiten den bezala Getxoko Udalak haurrek bere aisialdiaz goza dezaten "Eguneko Udalekuak" izeneko programa sor dezan. Arrueren iritziz, "oraintxe bertan, Aste Santuko oporretan, inoiz baino hoberen kontutatu gara gurasoek lan egiten jarraitzen duten bitartean txikienek oporrak edukitzea arazo larria dela familia askorentzat. Getxoko Udaletik ez da inolako laguntzarik ematen gure herritarrek lana eta familia uztar ditzaten".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun