Iñaki Urkiza Gizarte Zerbitzuetako zinegotziak adierazitakoaren arabera, “lan zaila izango da, nagusien etxearen ohiko jarduera ez dugulako aldatu nahi. Proiektuaren idazketan bazkideek beraiek ere parte hartuko dute”. Proiektua datorren udarako egongo da prest, tokiko agintarien hitzetan, eta urtea amaitu baino lehen esleitu ahal izatea espero du Getxoko Udalak. “Lanak amaitutakoan, Bizkaian dagoen ezugarri hauetako zentrorik hoberenetako bat izango dugu herrian; berezitasun batekin gainera: gaur egun zentroak dituen 5.000 bazkidek baino gehiagok kudeatzen dutela”, dio Urkizak. Gobernu Taldeak 800.000 euro ditu horretarako 2006ko aurrekontuetan.
Luis Lopez Oseseko apartamentuak
Itzubaltzeta / Erromoko Luis Lopez Oses kalean, eraikitzen ari diren nagusiei zuzendutako zaintzapeko apartamentuei dagokienez, uda baino lehen amaituta egon ahal izatea espero du Udalak. Gaur egun, 8 apartamentu daude eta lanak amaitzen direnean beste 20 gehiago egongo dira. Gobernu Taldearen asmoa da udalerriko egokitutako eta babestutako apartamentuak lortzeko ezarritako irizpideak zabaltzea. “Pisu horiek eta nagusien etxekoek udalerrian gaur egun dagoen eskaerari erantzuna emango diote”, uste du Urkizak.
Gaiaren inguruko berriak:
Gizarte Zerbitzuetako bulegoa zabalduko dute Itzubaltzeta / Erromon (2006 Mar 08)
Itzubaltzetako nagusien etxea handiagotuko dute alboan eraikin berria eginez (2006 Urt 03)
Zaintzapeko 12 apartamentu gehiago egingo dituzte Itzubaltzeta / Erromoko Nagusien Etxean
Getxoko Gobernu Batzarrak Itzubaltzeta / Erromoko Nagusien Etxea handitu eta zaharberritzeko proiektuaren idazketa agindu berri dio, 66.000 eurotan, Arquitectura y Servicios Ambientales SL enpresari. Eraikineko instalakuntzak handitzeaz gain, lau solairu, nagusiei zuzendutako zaintzapeko 12 apartamentu (dagoeneko beste 11 daude) eta ehun bat lagunentzako erabilera anitzeko aretoa izango ditu egoitza berriak, udal arduradunek jakinarazi dutenez. Horrekin batera, Gizarte Zerbitzuetarako lokala izaten jarraituko du –aipatu arloko bulegoa Gobelaurre kalean zaharberrituko duten egoitzan kokatuko duten arren–; eta horiekin elkarlanean aritzen diren zenbait elkartek ere tokia edukiko dute bertan. Gainera, kafetegia egongo da eta horretara kaletik zuzenean sartu ahal izango da. Argazkia: nagusien etxearen alboan dauden Getxoko Udal Euskaltegia eta erakusketa aretoa dauden bezala jarraituko dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun