Horren aurrean, patruila-autoa bat bertaratu zen, jakinarazitakoa egiaztatzeko. Etxera heldu zirenean, senar-emazte batzuk aurkitu zituzten eztabaida sutsuan, polizia iturrien arabera. "Ertzainetako bat gizonezkoarekin hasi zen hizketan, eta, honek adierazi zionez, ez zuen alaba kalera joatea nahi, baina ez zuen, hala ere, ezer egin hori ekiditeko. Bertaratutako ertzainek, gainera, edanda zegoen zantzu nabarmenak ikusi zituzten gizonarengan", adierazi dute.
Herrizaingotik azaldutakoarekin jarraituz, "beste ertzain batek emazteari galdetu zion gertatutakoari buruz, eta senarrak jo egin zuela erantzun zuen. Emakumeak salatu zuenez, gizonezkoak indarrez atera zuen alaba igogailutik, eta ileetatik heldu zuen etxera sartzeko. Egoera horren aurrean, erasoa gelditu nahi izan zuen emazteak, eta berak ere kolpeak jaso zituen. Eskuko atzamar batean lesioak eta saman markak zituela ikusi zuten agenteek. Bestalde, burutik errotik ateratako ile-sortak erakutsi zizkien ertzainei alabak". Deskribatutako egoeraren aurrean, Ertzaintzak J.C.A. 51 urteko algortarra atxilotu zuen, emakumeen aurkako indarkeria delitua egotzita.
Getxo udalerriko ertzain-etxeko polizia agenteek 51 urteko gizon bat atxilotu zuten atzo (apitilak 17) arratsaldean, Algortan, emakumeen aurkako indarkeria delitua egotzita, Eusko Jaurlaritzako Herrizaingo Saileko iturriek gaur jakinarazitakoaren arabera. "Lehendabizi, alaba jo zuen eztabaida baten ostean eta, jarraian, emaztea kolpatu zuen, alaba jo ez zezan ahalegindu ondoren", prentsa-ohar bidez adierazi dutenez. Gertaera arratsaldeko laurak eta laurden aldera izan zen, Lañomendi kaleko etxe batera joateko eta bertako bi laguni laguntzeko deia jaso zuen ordu horretan Ertzaintzak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun