I. Euskararen Egun honekin euskaldunoi euskarazko kultur baliabideak eskaini zein euskararen erabilera sustatu nahi dute antolatzaileek. Horretarako, hainbat eragileren babesarekin "Bai Eskolak Euskalduntzeari" kanpaina errotu nahi da herrian. Era berean, azken urteotan bereziki bertsozaleoi zabaltzen ari zaigun plaza berria, gaztetxeena, alegia, sustatzeko asmoa dago Sestaoko Bertso Eskolako kideak ekarriz, eta Itzubaltzetako Bertso Eskolak kontzertuan abestuz, berauek gaztetxe bateko partaideak izanda. Arratsaldean ere ezin ahaztu euskararen ahozko ohitura eta mitologia ipuin kontalariak ekarrita. Berriz, zeru azpiko zinemak badu bere kritika puntua. Izan ere, oso gutxi dira gaur egun euskarara itzultzen diren filmak eta are gutxiago zinema aretoetara heltzen direnak. Gainera, egun hauetan Getxoko Udalak burutzen dituen Haur Zinema jardunaldietan 17 emanaldietatik 2 baino ez dira euskaraz izango.
Egitaraua:
11:30ean, Txupinazoa eta ekitaldia Ibaiondon.
12:30ean, Bertso Triki Pintxo Poteoa herrian zehar. Abiapuntua: Branka.
17:00etan, Ipuin kontalariak, gaztetxean.
20:00etan, Kontzertua: Basaki, Maz Mon Kis eta Niketz gaztetxean. Sarrera: 3 euro.
21:30ean, zeru azpiko zinema gaztetxoentzat Ibaiondon: "Glup".
Egun osoan zehar, euskararen egoerari buruzko erakusketa eta Itzubaltzeta toponimoaren erreferentziak Ibaiondon.
Euskalkiz Euskalki
e-posta: euskalkiz@gaztesarea.net
"Maita nazazu gutxio ta goza nazazu gehiago" lelopean burutuko da larunbat honetan Itzubaltzetako I. Euskararen Eguna. Getxo udalerriko herri honetako Euskalkiz Euskalki elkartearen eskutik eta Euskal Herrian Euskaraz eta Itzubaltzeta gaztetxearen laguntzarekin ekitaldi euskaldun anitz izango dira apirilaren 22an. Goizeko 11:30ean hasiko da eguna txupinazoa dela medio. Hortik landa Ibaiondo kalean ikusgai egongo dira euskararen egoerari buruzko erakusketa eta Itzubaltzeta toponimoaren erreferentziak. Kale berean, ikurrina pean, hainbat kultur eta gizarte eragilek agiri bateratu bat aurkeztuko dute jendaurrean. Ondoren, bertso-triki-pintxo-poteo luzea izango da herriko tabernetatik. Janaz eta edariaz gain, Sestaoko Bertso Eskolako bertsolarien doinuez gozatzeko parada izango da. Arratsaldea, berriz, gaztetxoei zuzenduta dago. 18:00etan Aizkoa Olabarrieta eta Itziar Ituño ipuin kontalariak izango da gaztetxean eta 21:30ean zeru azpiko euskarazko zinema Ibaiondo kalean "Glup" filmarekin. Tartean, 20:00etan hasiko da kontzertua gaztetxean Basaki, Maz Mon Kis eta Niketz taldeekin eta Itzubaltzetako Bertso eskolarekin. Lehen edizioa izanda eta Beñat Etxeparek idatzi zuen bezala: "debile principium melior fortuna sequatur".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun