Lehiaketa 16 urtetik gorakoentzat da eta hiru liburu irakurri beharko dira guztira. Bigarren liburuaren izenburua maiatzaren 12an ezagutaraziko dute eta ekainaren 1era arte izango da erantzunak emateko epea. Azkenik, ekainaren 2an hasi eta hilaren 22an bukatuko da lehiaketaren hirugarren fasea. Galderen erantzunak liburuetan bertan aurkitu ahal izango dira eta, liburu bakoitzeko gehienez 15 puntu emango dizkiete parte-hartzaileei. Erantzun-orri eredua liburutegian, kultura sailean edo Kultur Leioako web orrialdean eskura daiteke. Sari banaketa, berriz, ekainaren 30ean egingo dute, goizeko 12etan Kultur Leioako liburutegian. Gauzak horrela, irabazleak bi pertsonentzako afaria Hotel Artazan, Elkar Megadendetarako 150 eurotako balea jasoko ditu. Bigarrenak, Megadendetarako 100 eurotako balea eta, hirugarrenak, 50 eurotakoa. Horretaz gain, garaikurra egongo da horientzat.
Galderak:
Jon Arretxe: Manila Konexioa. Elkar, 2004
1) Zer da, zehazki, bahitu duten mamorroa?
2) Zein zen Simon Artaben ezizena ikastetxean?
3) Zer zuten barruan pantera arrosek kalkomaniaren ordez?
4) Nongoa da Mustafa?
5) Edukiko al zenuke Betty bezalako maskota bat?
Pablo Tusset: Lo mejor que le puede pasar a una cruasan. Lengua de trapo, 2001
1) Zer da kruasan bati gertatu lekiokeen gauzarik onena?
2) Nortzuk dira SP eta MP?
3) Zer da eta nola prestatzen da Vichoff bat?
4) Zer esan nahi du egileak "gure betileetan bizi diren akaroak" dioenean?
5) Sartuko zinateke zu ere 'La Fortaleza'-n?
Gaiaren inguruko berriak:
Lehiaketa deitu dute "liburujatunentzat" Leioan (2006 Mar 24)
Gaur hasi da Leioako Udaleko Kultura Sailak, Udal Liburutegi eta Euskara Zerbitzuaren laguntzarekin antolatutako "Liburujatun" Irakurketa I. Lehiaketaren lehenengo fasea. Prentsa ohar bidez jakinarazi dutenez, honako hauek dira aukeratutako liburuak: Jon Arretxe idazlearen "Manila Konexioa", euskaraz; eta Pablo Tusset-en "Lo mejor que le puede pasar a una cruasan", gaztelaniaz. Parte-hartzaileek maiatzaren 11ra arte izango dute horietako bat –hala biak, nahi izanez gero– irakurri eta bost galderari erantzuteko. Erantzunak Kultur Leioako liburutegira astelehenetik ostiralera, 9:00etatik 20:00etara, eraman daitezke edo liburutegia@leioa.net helbidera bidali, datu guztiak jarriz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun