LABeko buruak azpimarratu du ezker abertzaleak "indarkeria oro desagertuko den" testuingurua lortzearen aldeko apustua mantentzen duela eta zehaztu duenez, "indarkeriak aurpegi ugari ditu", beraz, Espainiako Gobernuari eskatu dio bere jardueretako batzuen "bateraezintasuna ere jorratu dezan".
"Egiaztatze eta hitzez gain, Zapateroren Gobernua hitzetik ekintzetara igaro behar da", esan du sindikatu abertzaleko idazkari nagusiak.
Gaiaren inguruko berriak:
"Zailtasunak" gorabehera, prozesuak "aurrera egingo duela" esan du Ibarretxek Algorta eta Barañaingo erasoen harira
Ezker Batuaren iritziz kale borrokak ez du oztopatuko euskal gizartearen konpromisoa bakearekin eta normalizazioarekin
Getxoko Udalak kale indarkeria gerarazi dezaten exijitu die horren arduradunei
Koktelak jaurti dituzte Algortako Mapfre bulego baten kontra
Molotov koktelez eraso egin diote Getxoko aseguru etxe bati (Berria.info)
Hainbat ezezagunek aseguru etxe bati eraso diote Getxon (Gara.net)
Koktelak jaurti dituzte Getxoko aseguru-etxe baten aurka (eitb24.com)
Bart izandako erasoa Meñikaren atxiloketarekin erlazionatuta egon liteke (eitb24.com)
Algortako eta Barañaingo erasoak zein ezker abertzalearen aurkako jarduerak bake prozesuarekin "bateraezinak" dira LABen ustez
Rafa Diez Usabiaga LAB sindikatuko idazkari nagusiaren ustez, Algortan eta Barañainen azken egunotan gertatu diren erasoak bake prozesuarekin "bateraezinak" dira, baita ezker abertzalearen aurkako jarduerak ere, ordea. Horrez gain, Espainiako Gobernuari eskatu dio bere ekimenetako batzuen "bateraezintasunak ere azter ditzan". Era honetan erantzun dio Rafa Diezek Alfredo Perez Rubalcaba Barne ministro berriari. Larunbatean Rubalcabak esan zuen barañaingo erasoa "bateraezina" zela ETAren su-etenarekin. LAB sindikatuak Barañainen eta Algortan gertatutako erasoei buruz "alde bati buruz soilik" hitz egitea baztertu du eta agertu duenez, azken asteotan "bake eta konponbide demokratikoen testuingurua" lortzeko helburuarekin "nahikoa bateraezinak diren jarduera ugari" gertatzen ari dira. Diezek hor kokatu ditu ezker abertzaleko kideen atxiloketak eta espetxeratzeak, Batasunaren ekimenen debekuak, 18/98 makro-epaiketa edo "ilegalizazioen mantentzea". Horiek ere, bake prozesuarekin "bateraezinak" diren jazoeren artean daude, eta "Barañaingo eta Getxoko jazoerak ere hor daude". Argazkian, Rafa Diez / Kaosenlared.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun