Izan ere, bertoko idazleen lanak izan dira salduenak 2006ko azokan: Laura Mintegiren "Ecce Homo" izenburuko liburua euskarazkoen artean eta Ramiro Pinillaren "Verdes valles, colinas rojas" trilogia gaztelaniazkoetan, hurrenez hurren. Azkenik, "Kika Superbruja", "Equipo Tigre", "Crónicas de Narnia" eta "Txomin eta Kattalin"en bildumak izan dira gaztetxoen gustukoenak.
Gaiaren inguruko berriak:
Getxo udalerriko jaietako argazki-bilduma egin du Mikel Martinezek (2006 Api 20)
Mikel Martinezen jaietako argazki-bilduma izan da obrarik salduena Getxoko Liburu Azokan
Igandean eman zuten bukatutzat Getxoko Liburu Azokaren bederatzigarren edizioa eta “jasotako emaitza ezin hobea izan da”, gaur goizeko prentsaurrekoan, udal arduradunek adierazi dutenez. “Guztira, apirilaren 22tik 24ra 17.000 lagunek azoka bisitatu (iaz 15.000 bisita jaso ziren) eta antolatutako ekitaldietan parte hartu dute, eguraldi txarra izan arren”, azaldu dute. Aurten Ipar Amerikako indiarren mundua izan du ardatz. Algortako Telletxe plazara hurbildu zirenak Getxo udalerriko hamar liburu-dendaren standak bisitatzeko aukera izan zuten, Literaturan azken nobedadeak ezagutu eta komikiak, haurrentzako ipuinak edo aukerako liburuak erosteko. Aurtengo obrarik salduena Mikel Martinez argazkilari getxotarraren "Getxoko Jaiak 2005: photo album" argazki-bilduma izan da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun