Alkarbide Bizkaiko Toki-Erakundeetako Euskara Zerbitzuen Bilguneak Lanbide Heziketa eta Batxilergoko ikasketak euskaraz egitea bultzatzea helburu duen kanpaina berri bat aurkeztuko du bihar, Bilbon, 11:00etatik aurrera. "Zeurea da aukera: jarraitu euskaraz" lelopean, Alkarbidek koordinaturiko kanpainaren berri, Bizkaiko 7.000 neska-mutilek jasoko dute beraien etxeetan, prentsa-ohar bidez jakinarazi dutenez. "Egitasmoaren xedea da DBHn euskaraz ikasi duten gazteek hortik aurrerako ikasketak ere euskaraz egitea eta gazteak bide hori hartzera bultzatzea", adierazi dute. Argazkian, Getxoko Aixerrota institutua.
Biharko aurkezpena Eudelen egoitzan izango da, Bilbon, eta bertan egongo dira Gotzon Lobera Bizkaiko Foru Aldundiko Euskara Sustatzeko zuzendari nagusia, Miren Dobaran Berangoko alkate eta Eudeleko Euskara arloko arduraduna eta Alex Sardui Gatibu taldeko abeslaria.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun