Kurt Rosenwinkel (Philadelphia, 1970) jazzaren belaunaldi berriko gitarrista onenetarikoa da, kultur arduradunen hitzetan. Egiten duen jazza, Billie Holiday, Sony Rollins, John Coltrane edo Ornette Coleman bezalako musikariekin egon da harremanetan. Besteak beste, Berklee School of Music-en gauzatu zituen ikasketak, geroztik New Yorkeko jazzaren munduan murgilduta egon da. Beste askoren artean, Paul Motianen Electronic Bebop Bandarekin aritu da. Bere disko arrakastatsuen artean The Enemies of Energy nabarmendu daiteke.
Azkeneko urteotan, Suitzan bizi izan da. Bertan hainbat lan sortu eta grabatu ditu. Bere azken diskoetan, konpositore eta lider izateko ahalmenak erakutsi ditu Rosenwinkelek. Heldutasuna eta ideia berriak guztiz bateragarriak dira Philadelphiako musikari honentzat. Deep Song bere azken diskoan, berak ekoiztua, gitarran, teklatuetan eta perkusioan aritu da.
Apirilaren 29an, larunbata, omenaldia egingo diote Getxoko Jazzaldiaren antolaketan laguntzaile nagusienetariko bat izan zenari, Pio Lindergaardi, hain zuzen ere. Haren omenez Kurt Rosenwinkel Quartet-ek kontzertua eskainiko du Areetako Andres Isasi musika eskolan. Getxoko Kultur Etxeko iturriek jakinarazitakoaren arabera, 20:00etan hasiko da ekitaldia eta sarrerak, Algortako kultur etxean, 944 310 310 eta 944 914 080 telefono zenbakien bidez, www.bbk.es web gunean eta BBKren orotarako kutxazainetan daude salgai, 9 euroko prezioan (7 euro jubilatuentzat edo Gazte Txartela aurkeztuz). Argazkian, Kurt Rosenwinkel.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun