Andres Uriarte Hirigintza zinegotziaren iritziz, “herritarren segurtasuna Getxoko PPkoen gogoeten gainetik dago”
“Herritarren segurtasuna garrantzitsuena da eta, horregatik, argi eta garbi, PPek egungo tokia ea nahikoa den ala ez gaiari buruz egindako gogoetaren gainetik dago. Izan ere, Andres Larrazabal eta Paulino Mendibil kaleen arteko kantoiko behin-behineko horma, pertsonak eta bereziki hortik jolasten dabiltzan haurrak ahalik eta gehien babesteko eraiki da, eraikin berria lurrera bota eta berria eraikitzen duten bitartean”. Hitz horiekin erantzun dio Andres Uriarte Hirigintza zinegotziak Getxoko PPek kaleratutako informazioari (pdf, gaztelaniaz). Hain zuzen ere, aipatu kale-kantoia oinezkoentzat "berreskuratzeko" eskatu zuen atzo Marisa Arrue tokiko popularren bozeramaileak.
“Gezurra dirudi PPek haurrek jolasteko tokirik ez dutela esatea, beraien segurtasunaz kezkatu gabe; argi dagoelako horma jende ugari dabilen inguruan arriskuak ekiditeko altxatu dela”, adierazi du Uriartek. Gainera, udal ordezkariak uste du gune horretan "toki nahikoa" dagoela jolasteko; "segurtasun neurriak tarteko, teknikariek egokitzat jo izan duten heinean kantoia murriztu bada ere, eta badirudi PPek hori ahaztu egiten duela”. Hirigintza zinegotziak esan du, eraikin berria egiteko lanek irauten duten bitartean, horma mantendu egingo dela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun