Esan bezala, ugariak izan dira Algorta eta Getxon gaztetxea sortzeko saiakerak; eta horien beharra aldarrikatzeko zein desalojoak salatzeko mobilizazioak. Aixerrota behera bota zuten egunean (2004 Uzt 01) ere, manifestazioa egin eta jarraian, Urgull kalean zegoen antzineko Algortako Kultur Etxeko lokalak okupatu zituzten gauean gazteek. Hala ere, hurrengo egunean kaleratuak izan ziren eta San Nikolas plazan pankaldia abiaraztea erabaki zuen orduan Algortako Okupazioaren Aldeko Mugimenduak. Hamahiru egun bertan eman ostean, uztailaren 13an bota zituzten plazatik neska-mutilak Getxoko Udaltzaingoak eta Ertzaintzak.
Gaiaren inguruko berriak:
Gaztetxeen "kalbarioa" gogora ekarriko dute bihar Algortan (2006 Api 29)
Gaztetxe Martxan zehar sinadurak bilduko ditu Bai Eskolak Euskalduntzeari! ekimenak (2006 Api 29)
Gaztetxe Martxaren zuzeneko jarraipena egingo dute eskualdean Koska irratiak eta UKBERRIk (2006 Api 29)
Gaztetxe Martxa heltzear dago (2006 Api 28)
Orain pare bat aste okupatutako Getxo aldeko etxetik abiatuta, 14:30ean, herrian gaztetxea egondako tokiak lotuko dituen kalejira antolatu du, igande honetarako, Algortako Gazte Asanbladak, Gaztetxe Martxaren harira. Azken zazpi urteotan sei gaztetxe eraitsiak edo hustuak izan dira Algorta eta Getxon: Sastraka (2000 Mar 03 / 2000 Uzt 13), Kutxitril (2001 Urr 10 / 2002 Mar 15), Burdinola (2002 Mar 15 / 2002 Eka 13), Maidagan (2002 amaiera / 2003 Abe 01), Aixerrota (2004 Eka 31 / 2004 Uzt 01) eta Mentxakabarri (2005 Abe 05 / 2006 Mar 07), azkenik. Gazteen aurkako salaketa, epaiketa eta isunak ere ugariak izan dira, denbora horretan. Biharko kalejiraren bidez, horiek guztiak salatu eta, aurreko proiektuetan egon diren zein ezagutu ere ez dituztenentzat, Getxoko gaztetxe berriak bere ateak zabalik dituela gogoratu nahi dute. Algortan, 16:30ean egingo diote harrera Gaztetxe Martxari, Benantzioko bidegurutzean. Argazkian, Mentxakabarri hustu zuteneko irudia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun