Bi sari banatuko dira: Sari Nagusia eta Bigarren Saria. Bost lagun arituko dira epaimahaian.Zientzia- edo teknologia-ikasketak dituzte guztiek, eta dibulgazioan adituak dira. Sari Nagusiaren irabazleak ordenagailu eramangarri bat jasoko du, Sistek Informática y Microsistemas informatika-etxearen laguntzari esker. Bigarren Sarian, berriz, tesiaren egileak Euskal Autonomi Erkidegoko landetxe batean bi lagunentzako asteburua irabaziko du, NEKATUR elkarteari esker. Aurkezten diren lan guztiak ekainaren 1etik aurrera egongo dira ikusgai www.basqueresearch.com web gunean, eta ekainaren 15ean jakinaraziko dira irabazleen izenak.
Oinarriak www.basqueresearch.com web gunean daude ikusgai.
Elhuyar Fundazioa
http://www.elhuyar.com
Elhuyar Fundazioaren Basque Research web guneak IV. Tesien Saria jarriko du abian maiatzaren 1ean, Euskal Herriko Unibertsitateak eta Mondragon Unibertsitatearen babesari esker. Horrenbestez, doktoretza amaitu berri duten ikertzaileen lanak saritu nahi ditu Basque Research web guneak. Sariketa honen helburua da ikertzaile gazteek unibertsitatean egiten dituzten lanak gizarteratu eta saritzea. Zientzia eta/edo teknologiako doktore-tesien laburpenak bidali behar dira sariketara, 2005ean azterketa gainditu zuten tesienak betiere, Euskal Autonomia Erkidegoko, Nafarroako Foru Erkidegoko eta Ipar Euskal Herriko edozein unibertsitatetan aurkeztuak. Laburpenek ez dute 3.000 karaktere baino gehiago izan behar, eta argazki edo irudi bat ere bidal daiteke. Euskaraz, gaztelaniaz, ingelesez eta frantsesez aurkeztu daitezke lanak. Hizkuntza batean baino gehiagotan bidal daiteke laburpena, eta bertsio horiek guztiak argitaratuko dira. Kontuan izan doktore-tesien laburpenak era erakargarri eta ulergarrian argitaratu behar direla. Argazkia: EHUko Zientzia eta Teknologia Fakultatea
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun