Interneteko publizitateari buruzko jardunaldia izango da bihar Leioako campusean
Ostegun honetan, maiatzak 4, Interneteko Publizitatearen VI. Jardunaldia izango da, EHUko Leioako Zientzien Fakultateko ospakizun-aretoan. Publizitate Interaktiboaren Agentzia gaitzat hartuta, arlo horretako profesionalak izango dira bertan, Daniel Solana Doubleyou agentziaren fundatzailea tartean. Euren helburua publizitate interaktiboaren egungo zein etorkizuneko egoera aztertzea izango da. Unibertsitateko iturriek gaur jakinarazi dutenez, jardunaldiak Bizkaiko campuseko Errektoreordetzaren babesa eta elcorreodigital.com-en laguntza du. Argazkia: www.fayerwayer.com
Biharko saioa "Euskal Herrian publizitate interaktiboari buruzko foro bakarra da", EHUk adierazitakoaren arabera. Zuzendaria Joseba A. Etxebarria Gangoiti Ikus-entzunezko Komunikazio eta Publizitate Saileko irakaslea da. Bere ustez, jardunaldi honek dituen helburuak bi dira oinarrian, hots, "sektore honetako profesionaleen eta ikasleen topagunea izatea eta bi talde hauen trebakuntzan Euskal Herriko Unibertsitateak duen erantzukizunari eustea". Jardunaldia doakoa da eta informazio gehiago http://www.iragar.net helbide elektronikoan eskuratu daiteke. Bertan eman beharko da izena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun