Bi pabiloitako kanpoko hormak egurrezkoak izango dira, eguraldiaren eraginei aurre egin ahal izateko behar bezala egokituak. Argiak zoruan eta eraikinaren egituran jarriko dituzte. Ondoren, traineruak eta belaontziak atera ahal izateko pantalanak ere eraikiko dituzte.
Bela eskola
Bela eskolarako pabiloiaren azalera 945 metro koadrokoa izango da eta horietatik 429 metro koadro barrukoak eta itxiak izango dira. Zabalik geratuko den aldea belaontziak mastekin gordetzeko izango da, horrela "kanpoko lagunez babestuta geratuko dira eta ez dituzte zertan beti kendu behar izango", Kirol zinegotziak adierazi duenez. Barruko banaketa jarduera didaktikoaren araberakoa izango da honako toki hauek hartuz: idazkaritza eta harrera tokia, 40 metro koadrotako bi gela, zuzendaritza bulegoa, biltzeko aretoa, aldagela batzuk, tailerra, uretan ikasleen atzetik joan ahal izateko ontzi pneumatikoak gordetzeko tokia, biltegia eta jantziak arin lehortzeko gela.
Eskolaren kudeaketari dagokionez, lehiaketa publikoa deitzea da asmoa, "horretan aditua den enpresa batek ondoren gestiona dezan"; "Bizkaiko Foru Aldundiarekin hitzarmenak egiteko aukera ere badago, haurrak prezio merkeagotan eskolara joan daitezen...”, Aranagak azaldu duenez.
Arraunketa pabiloia
Arraunketa pabiloiak 938 metro koadro izango ditu eta, bertan, harrera gunea, administraziorako aldea, masajeak ematekoa eta botika kutxa, aldagelak, eta 209 metro koadroko gimnasioa izango dira. Gimnasioan 135 metro koadroko urez betetako zuloa egongo da, gutxienez 6 arraunlarik barruan entrenamendua egin dezaten. Gainera, tailer-biltoki bat eta traineruetarako hangarra ere izango dira.
Getxoko Kirol Portuko arraunketa eta bela pabiloiak irailean eraikitzen hastea espero dute
Kirol Portuan arraunketa eta bela pabiloiak eraikitzeko lanei irailean hasiera ematea espero du Getxoko Udalak eta horien kostua 1,44 milioi eurotakoa izango da, gaurko prentsaurrekoan, Iñaki Zarraoa alkateak eta Guzman Aranaga Kultura eta Kirol zinegotziak adierazitakoaren arabera. Proiektua horrelako gaietan adituak diren bi profesionalek burutu dute, hain zuzen ere, bela estropadetan ibilia eta itsasoan aditua den arkitekto batek eta Algorta Arraun Taldeko kide izan zen aparejadore batek. Aranagak adierazi duenez, “bi pabiloiek ez diote inguruko ikus-eremuari kalterik eragingo, hau da, ez dira kaia baino altuagoak izango. Arraunketarakoa apur bat altuagoa izango da, 5 bat metro gehiago, traineruak uzteko apalak izango dituelako”. Era berean, arraun kluben eta belari lotutako taldeen interesak eta ikuspegiak bateratzen saiatu omen dira udal arduradunak. Argazkian, Algortako arraunlariak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun