Zarraoak gaineratu duenez, "Marisa Arruek jakin badaki, epaia Eusko Jaurlaritzari buruzkoa zela eta Lakuak berezkotzat hartzen zituen espetxe-eskumenen arabera ematen zirela laguntzat. Hain zuzen ere, Jaurlaritzak horrelako eskumenik ez zuela ondorioztatu zuen EAEko Justizia Auzitegi Nagusiak. Getxon, aldiz, Gizarte Zerbitzuek ematen dute dirua, mota guztietako presoen senideei gainera".
Gaiaren inguruko berriak:
Presoen senideentzako diru-laguntzen aurkako sententzia bat badagoela dio Getxoko PPk (2006 Mai 03)
Bizkaitik kanpo dauden presoen senideen bisitetarako laguntzak arautu ditu Getxoko Udalak (2005 Ots 17)
Presoen senideentzako dirulaguntzen aurkako errekurtsoa atzera bota dute (2004 Aza 10)
Getxoko presoen senitartekoei laguntzak bertan behera utzi ditu epaileak (2004 Api 02)
Presoen senideei dirulaguntzak epaitegira eramango ditu Espainiako Abokatutzak (2004 Mar 08)
Presoen senideen dirulaguntzen berri emango du Estatuko Abokatutzan Getxoko PPk (2004 Ots 23)
ETAri laguntzea egotzi die Zarraoa eta IU-EBri Getxoko PSE-EEk (2004 Ots 23)
"Manipulazioaz eta datu faltsuez baliatu dira berriro ere popularrak Getxoko Udalaren aurka jotzeko; presoen senideei emandako dirulaguntzei dagokienez, tokiko erakundeari berari eman baitzion arrazoia EAEko Justizia Auzitegi Nagusiak". Horrela, Marisa Arrue Getxoko PPko bozeramaileak gaur plazaratutako informazioa gezurtatu du Iñaki Zarraoa alkateak. Tokiko popularren buruak aipatutako sententzia "Eusko Jaurlaritzari buruzkoa da, ez Getxoko Udalaren aurkakoa", aipatu duenez. Gauzak horrela, informazioa "desitxuratzea" egotzi dio Arrueri Zarraoak. "Gurean, Gizarte Zerbitzuek ematen dituzte diru-laguntza horiek, baldintza jakin batzuk betetzen dituztenei baino ez gainera. Horiexek ez ziren legez kanpokotzat hartu, Udalak berezkoak dituen eskumenen araberakoak direlako", azaldu du udal agintariak. Argazkian, Getxoko udaletxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun