Azkenik, sei euskal herritar Mexikotik Espainiara estraditatzeko erabakiaren inguruan, oraindik ere jarraitzen du Cardenas ingeniariak idatzitako gutuna Mexikoko Kanpo Harremanetako Idazkaritzara bidali eta estradizioa geldiarazten saiatzeko kanpaina. Hala ere, sei lagun horiena ez da preso eta iheslari politikoei atxikimendua emateko azken aldian abian jarritako ekimen bakarra. Aralarrek Filipe Bidart Baigorriko euskal presoaren askatasuna eskatzeko sinadura-bilketari ekin dio Hegoaldean. Horretaz gain, diru-bilketa ere hasi dute.
Gaiaren inguruko albisteak:
Lorenzo Llona “Mortxongo” Algortako iheslariak ere 26 urte daramatza erbestean (Etengabe, 2006 Api 22)
Bidali gutun hau 6 euskal herritarrak Mexikotik Espainiara estraditatu ez ditzaten eskatzeko (Etengabe, 2006 Api 22)
Aralarrek Filipe Bidart Baigorriko euskal presoaren askatasuna eskatzeko kanpainari ekin dio Hegoaldean (Aralar.net, 2006 Api 21)
Filipe Bidarten aldeko diru bilketa (Aralar.net, 2006 Mai 02)
Gorabeherak tarteko, oraindik ez dute finkatu Aitor Elortzaren omenaldiaren data
Aitor Elortza Algortako iheslari politikoa urtarrilaren 16an hil zen Baionan, erbestean 26 urte zeramatzala. Handik lau egunetara, omenaldi xumea egin zioten Donibane Lohitzunen. Baina Elortzaren gogoari jarraituz, bere familiak errautsak Algortara itzuli eta Portu Zaharrean zabaltzeko asmoa izan du hasieratik, bertan omenaldia egingo zaiolarik. "Hala ere, orain arte Frantziako agintariek ez dute errausteko baimenik eman, autopsiaren tramiteak zeramatzan fiskala gaixotu eta prozedura guztia gelditu delako. Hori dela eta, errausteko baimena jasotzen denean zehaztuko da Aitorrek bere herrian jasoko duen omenaldiaren data", argitu du Etengabe bitakoraren bidez, Uribe Kostako Amnistiaren Aldeko Mugimenduak. Bestalde, Lorenzo Llona “Mortxongo” iheslaria ere erbestean 26 urte daramatzala salatu du errepresioaren aurkako erakundeak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun