Bestela ere, honen guztiaren balorazio bat egiterakoan, ez dugu PPren jarrera gutxietsi nahi, herri honi sufrimendu eta zapalketa gehiegi ekarri diolako. Diru-laguntzak ez emateko eskaera hori gerra estrategian kokatu behar da. Eta gerra estrategia hori indarrean dago oraindik: kontrolak, atxiloketak, inkomunikazioa, torturak, auzitegi espainolen erasoak, epaiketak, 18/98 auzia, sakabanaketa, apartheid politikoa, ekitaldi politikoen debekuak…
Beraz, Getxoko alkateari eta Udal Gobernu Taldeari esan behar diegu, gerra estrategia hori gainditu nahi bada, ausardiaz jokatu eta urratsak ikusi nahi ditugula. Ez da nahikoa euskal presoak Euskal Herrira ekarri behar direla esan eta besterik ez egitea. Ekimen sendo eta zintzoak behar dira bide horretan. Diru apurrekin ere ezin da dispertsioaren kaltea sendatu. Presoen auzia bere eremu politikoan kokatu behar da, auzi politikoa izanik konponbidea ere politikoa behar duelako. Euskal presoek Euskal Herrian eta batuta behar dute, eragile politiko gisa aritu eta gatazkaren konponbidean parte hartzeko. Horren alde egin beharko luke Getxoko Udalak, eta bere neurrian konponbide demokratikoa lagundu.
Algortako Askatasuna
e-posta: info@barrutik.org
Gaiaren inguruko berriak:
"Berriro ere informazioa faltsutzea" egotzi dio Getxoko PPri Zarraoak (2006 Mai 03)
Presoen senideentzako diru-laguntzen aurkako sententzia bat badagoela dio Getxoko PPk (2006 Mai 03)
Gai honen inguruan, lehenik eta behin, hauxe argitu nahi dugu: lehendabizi, Udalaren dirulaguntza hauek oso-oso txikiak dira, ozta-ozta hilean bisita bat egiteko bidaiaren oinarrizko gastuak ordaintzeko beste-edo, kilometroen arabera. Bigarren, Arrueren adierazpenetan suma daitekeen bezala, presoen familiarrek ez dute oraindik 2004 urteari dagokion diru-laguntza jaso, ezta 2005 urteari dagokiona ere; diru-laguntzak, berez, onartuta dauden arren. Hirugarren, egoera honen erantzule nagusia Iñaki Urkiza (IU-EB) da. Bera da gai honen arduraduna Udalean, eta bere portaera benetan penagarria da. Bestela ere, Udaleko Gobernu Talde osoarena da erantzukizuna, Urkizak Gobernu Taldearen barruan diharduelako. Azkenik, Udal Gobernu Taldearen ordezkariek presoen senitartekoei adierazi dietenez, laster konponduko da kontu hau eta aurreko urteetatik ere sor zaien diru-laguntza ordainduko zaie. Baina gogoan hartu behar da, urte hauetan, behin baino gehiagotan agindu zaiela ordainduko dietela eta oraindik horrela gaudela… eta gaiak eta pertsona horiek seriotasun eta errespetu pixka bat eskatzen dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun