Getxoko Udalaren adierazpena, hitzez hitz. Aipatu beharra dago, oharrak ekintza gauean izan zela aipatzen duen arren, goizean izan zela:
Getxoko udalaren adierazpena, herenegun gauean Leioan gertatutako mehatxu ekintzaren aurrean:
Herenegun gauean Leioan Getxoko zinegotzia den Gotzone Moraren aurkako ekintza dela-eta, alkateak gaur 2006ko maiatzaren 4rako deituta, Getxoko Udalaren Bozeramaileen Batzordeak bildu eta hauxe erabaki du
1. Gertaera gaitzetsi eta gure elkartasuna adierazten diegu gure zinegotzia eta Getxoko biztanlegoaren ordezkaria den Gotzone Mora andereari eta bere senideei.
2. Jazarpen eta mehatxuzko ekintza guztiak ere gure bizitzetatik kanpo uzten dituen su-etena iraunkorra eta guztientzako eskatzen dugu.
3. Bake giroarekin kontrajarriak diren ekintza hauek gerarazi ditzatela exigitzen diegu arduradunei.
Gaiaren inguruko berriak:
Ibilgailua olioz bustita aurkitu du goizean Gotzone Morak (2006 Mai 02)
Getxoko Udalaren Bozeramaileen Batzordea goizean bildu da herenegun Gotzone Mora PSE-EEko zinegotziak Leioan jasandako mehatxu ekintzaren inguruan hitz egiteko eta testu bateraturen bat idazteko. Getxoko Udalak zabaldutako testuak hiru puntu nagusi jasotzen ditu. Hasteko, "gertaera gaitzetsi" egiten du Udalak, eta "Getxoko biztanlegoaren ordezkaria den Mora andereari eta bere senideei" elkartasuna adierazten die. Bestalde, "su etena iraunkorra eta guztientzako" aldarrikatzen du, horretarako jazarpen eta mehatxuzko ekintza guztiak desagertu behar direla. Azkenik, horien arduradunei zuzenean eskatzen die herenegunekoa bezalako ekintzak gerarazteko. Argazkian, Getxoko udaletxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun