Edonola ere, maiatzeko gainerako astelehenetarako eta ostiraletarako, hau da, maiatzaren 8, 12, 15, 19, 22, 26 eta 29an, deitutako 24 orduko lanuzteei eustea erabaki dute "lan-hitzarmena negoziatzeko enpresak erakutsitako borondate falta salatzeko". Egun hauetarako gutxiengo zerbitzuak ezarri ditu Jaurlaritzak, hots Bilbobusen eta Bizkaibusen zerbitzuaren %20.
Protestek eragin ditzakeen "eragozpenengatik barkamena" eskatu die herritarrei enpresa-batzordeak "baina beste irtenbiderik" ez dutela nabarmendu dute. Izan ere, hiru hilabete daramatzate "langileek egindako proposamenari enpresak noiz erantzungo zain" eta bi aldiz moldatu dute proposamena. Bide beretik, TCSAk ere barkamenak eskatu dizkie herritarrei eta argibide gehiagorako eta gutxieneko zerbitzuen berri izateko 944 484 080 telefono zenbakira deitzea badagoela nabarmendu dute enpresatik.
Gaiaren inguruko berriak:
Maiatzeko astelehen eta ostiraletan ez da bizkaibusik egongo (2006 Mai 02)
Gaurko eta asteleheneko lanuzteak bertan behera utzita bananduta agertu dira Bilbobus eta Bizkaibuseko langileak
Atzo TCSA Bilbobus eta Bizkaibus autobus lineen kontzesionarioaren enpresa-batzordeko gehiengoak hartutako erabakiari jarraiki, gaur erabiltzaileek autobus horietan arazo barik bidaiatu ahal izan dira eta normaltasunez egin ahal izango dute astelehenean ere. Baina, UGTk, USOk zein gidarien sindikatu independenteak "borondate oneko keinu gisa" aurretik finkatutako 8 greba egunetatik 2 bertan behera utzi izanak piztu ditu ELA, LAB eta CCOO sindikatuen kritikak. Argazkia: Bizkaibus garraiorik erabilienetakoa da EHUko Leioako campusera joateko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun