Getxoko PPko bozeramaileak agertu duenez, "agerian gelditu da berriro ere alkatearen eta bere udal gobernuaren eraginkortasunik eza. Orain hilabete batzuk egoerarekin keskatuta azaldu ginen, jakin bagenekielako udalerrian arratoi asko zegoela eta hori saihesteko zer egiten zen jakin nahi genuelako. Udal Gobernuko kideek, aldiz, ahohanditzat jo gintuzten eta egoera kontrol pean zegoela adierazi zuten. Hala ere, hilabete gutxi batzuk baino ez dira igaro eta eurek esandakoa egia ez dela argi geratu da. Orduan salatutako arazoa egiazkoa da".
Gaiaren inguruko berriak:
Arratoiek bi emakumeri kosk egin diete Andra Mari zahar-etxean (2006 Mai 05)
Andra Mari zaharren egoitzan gertatutakoagatik "atsekabetuta" agertu da gaur Marisa Arrue Getxoko PPko bozeramaileak. "Gurea bezalako udalerrian onartezina da horrelakorik gertatzea. Daukagun bizi-kalitaterekin harro gaude eta ezin gaitezke goizekoa bezalako albistearekin esnatu. Are gutxiago, herria guztien ahotan egotea", adierazi du. Arratoiekin akabatzeko Iñaki Zarraoa alkatea buru den Udal Gobernu Taldeak aurrera daramatzak neurriak "eraginik gabekotzat" jotzearekin batera, "ahalik eta lasterren", Ingurumen Sailaren eta Gizarte Zerbitzuen arteko batzorde mistoa osatzea eskatu du zinegotzi popularrak, egoera aztertu eta horri irtenbidea emateko. Horretaz gain, "udalbatzarreko kide garen heinean", bakamena eskatu die PPren izenean, zauritutako bi emakumeei eta euren senitartekoei, Arruek; "gure herrian horrelakoa gertatuta, lotsatuak gaudelako". Argazkian, Eduardo Andrade, Marisa Arrue eta Raquel Gonzalez zinegotzi popularrak aurreko prentsaurreko batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun