Urtean zehar, arratoiak hiltzeko shock-tratamendu lau burutzen ditu Getxoko Udalak eta udal jabegokoak diren eremu guztietan beste zortzi, Zarraoak zehaztutakoaren arabera. “Horiekin batera, udal zerbitzuek edo herritar batek horrela eskatzen badute, ekintza iraunkorrak ere egiten dira”, gaineratu du alkateak. Datuak datu, “biztanleko 1 edo 1,5 arratoi dago Getxo udalerrian eta kopuru hori Munduko Osasun Erakundeak optimotzat jotzen duena baino gutxiago da”, aipatu du. Azpimarratu behar da, arratoiekin arazo gehien dituzten aldeak ibaietatik, natur guneetatik edo eraikitze lanetatik hurbil daudenak direla, lurrak mugitzen diztuzten eremuetatik gertukoak gehienetan. Azken horri aurre egiteko, Udal Zerbitzu Teknikoek, lurren mugimenduak edo eraisteak eragiten dituzten lan baimen berrietan, aurretik, arratoiak hiltzeko jarduerak gauzatzea eskatuko dute, jakinarazi dutenez. Erabaki hori aurtengoa da eta hori ere “aitzindaria” da. “Zahar-etxearen ondoan egiten ari diren lanetarako baimena, aldiz, duela urte batzuetakoa da”, Zarraoaren hitzetan.
Gaiaren inguruko berriak:
Arratoiekin amaitzeko, batzorde mistoa eskatu du Getxoko PPk (2006 Mai 05)
Arratoiek bi emakumeri kosk egin diete Andra Mari zahar-etxean (2006 Mai 05)
Getxoko Udalak zahar-etxeen zaintzan "eskumenik ez" duela adierazi du Zarraoak
“Zahar-etxean gertatutakoa sentitzen dut, baina horren gainean ez du eskumenik Getxoko Udalak. Hala ere, arratoiak hiltzeko lan nabarmena egiten ari gara, Euskadin eta Estatuan aitzindaritzat jo daitekeena, nahiz eta hobe daitekeen, argi eta garbi” esan du Iñaki Zarraoa alkateak. Horrek, informazioa berriro manipulatu izana leporatu dio PPri, “bere zinegotzi getxoztarrek ondo baino hobeto dakitelako zahar-etxe baten zaintza eta fiskalizazioa beste erakunde baten eskumena dela”. Alkateak gehitu duenez, “arratoiak hiltzeko aurrera eramaten ari garen jarduera guztiak ezagutzen dituzte popularrek, eurek gobernatzen duten udalerrietan egiten direnak baino gehiago dira gainera”.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun