Lexuri Gallastegi preso politikoaren senideek istripua izan zuten pasa den apirilaren 30ean, larunbata, Hendaiatik Berangora zetozenean, Parisen Lexuriri bisita egin ondoren. Etengabe.org bitakorak jakinarazi duenez, istripua A8 autopistan gertatu zen, autoa bazterra jo eta aurrera egin ezinik gelditu zelarik. Azkenean, garabi batek ekarri behar izan zuen autoa Berangoraino. Zauriturik gertatu ez zenez senideek ez diote garrantzirik eman nahi izan istripuari. Uribe Kostako Amnistiaren Aldeko Mugimenduak baina, bestelako irakureketa egun du: "gogoan hartu behar da sakabanaketak astero presoen familiarrak arriskutan jartzen dituela eta oraingoan 'suertea' izan badute ere, sakabanaketaren bidez presoen familiarrak ere politikoki erabiltzen direla prozesu politikoa baldintzatzearren. Sakabanaketarik ez! Presoak Euskal Herrira, eskubide guztien jabe!".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun