Udan 754 getxoztarrek izango dute kirol ikastaroak jasotzeko aukera Fadura eta Gobelan
Getxoko Kirolak erakundeak Fadura eta Gobelako instalazioetan antolatuko dituen 2006ko udarako kirol ikastaroen eskaintza kaleratu berri du. Oraingoan, 754 toki eskainiko dituzte hainbat modalitateetan, iaz baino %49,9 gehiago, prentsa-ohar bidez zehaztutakoaren arabera. Interesa dutenek izena emateko txartela jaso beharko dute, maiatzaren 16tik ekainaren 12ra bitartean, kiroldegi bateko zein besteko bazkideen arreta bulegoan. Lekuen zozketa ekainaren 15ean izango da, goizeko 9etan, eta lau egun beranduago kaleratuko dute onartutakoen zerrenda.
Fadurako ikastaroak uztailean eta abuztuan izango dira. Hasierako hilabetean 361 toki izango da honako kirol hauetan: Jolasketan, Jolas Udan, Abentura, Gran Slam, igeriketa, tenis eta padel. Abuztuan beste 191 leku izango dira Jolasketan, Jolas Udan, igeriketan, tenis eta padelean. Gobela kiroldegian, berriz, uztailean baino ez dira emango ikastaroak, "abuztuan itxita egongo baita eskaerarik eza dela eta, baliabideak optimizatzeko", kirol arduradunek adierazi dutenez. Modalitateak hurrengoak izango dira: Jolas Uda, Jolasketan, igeriketa, tenis, padel eta, berritkuntza gisa, 10 urtetik gorako neska eta mutilentzako futbol-campusa, hastapen eta sakontze mailetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun