Errekaganen horrenbeste konponketa zergatik egin behar izaten diren aztertuko du Getxoko Udalak
Getxoko Gobernu Batzordeak 29.827 eurotan azpikontratatu du Itzubaltzeta / Erromoko Errekagane kaleko (argazkian) ikerketa geoteknikoa. Gobela erreka ondotik igarotzen den kale horretan etorkizunean "egin behar izango diren lanak" zehaztuko ditu azterketak. Iñaki Zarraoa alkateak prentsa ohar bidez adierazitakoaren arabera, “azken bi urtetan konponketa lan asko egin dira bertan. Ikerketa honen helburua da, hain zuzen ere, konponketa lan horiek hain sarri egin behar izateko arrazoiak jakin eta arazoa konpontzeko hartu behar diren neurriak zehaztea”.
Etorkizunean egin beharko diren lanak zehazteko ikerketa sakona egin beharko du enpresak. Horretarako, kale horren gaineko kartografia aztertu, ikerketa geoteknikoa eta geologikoa egin, lanak eta horiek aurrera eramateko sistema egokienak zehaztu, kalitate kontrola ezarri eta lur azpian dauden azpiegituren inbentarioa egin beharko du. Proiektua gauzatzeko 4 hilabeteko epea du enpresak. Bertan azalduko diren ondorioak ikusita lanak egiteko deialdia egingo da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun