Gauzak horrela, Matrakoren lagunek hainbat lekutan jarri dituzte kontzertuaren txartelak eta beraz, honako lekuetan eros daitezke bost eurotan: Itzubaltzeta / Erromoko Kandilejas eta Baste tabernetan, Brixton musika dendan eta Itzubaltzeta gaztetxean; Gorlizko Haizea tabernan, Xurrut aretoan eta La Moderna okindegian; Plentziako Meñaka frutadendan; Bilboko Power Records musika dendan, Likiniano liburudendan, Muga tabernan eta Kukutza III gaztetxean; Bermeoko Bolatoki herriko tabernan eta Gatikako Alboka tabernan.
Gainera, aipatu lekuetan euro bateko bono-laguntzak izango dira, nahi duenak laguntzeko. Bono-laguntzen bidez disko, txotxongilo eta hainbat oparien zozketetan parte hartu ahal izango da.
Matrako Jaiaren egitaraua:
17:00, Ander Lipus: "Ardoaz" antzezlana.
18:00, El Destilador de Ideas.
19:00, Jesus Pueyo.
19:30, Aritz Merinoren bideoak.
20:00, Bosco el Tosco y su Puta Banda.
21:00, El deseo del doctor.
22:00, La Rhumba Atomica.
23:00, Obligaciones.
24:00, DJ Basque Radical Funk.
01:00, DJ Gaizka Pereda.
02:00, DJ Mimoloco.
03:00, DJ Basque Radical Funk.
Itzubaltzeta / Erromon eta Gorliz inguruan oso ezaguna zen Joseba Sanchez "Matrako"ren senide eta lagunen aldeko jaia ospatuko dute maiatzaren 20an Bilboko Kukutza gaztetxean. Matrako Jaiak puntako musikari eta artistak batuko ditu, nahiz eta batzuek arrazoi ezberdinak direla medio bere ohiko izenekin ezin agertu, tartean, El deseo del doctor talde bilbotarra, Ezkerraldeko La Rhumba Atomica, Gasteizko Obligaciones, Bosco el Tosco y su Puta Banda, Ander Lipus, edota hainbat DJ. Jaian aterako den dirua familiak eta lagunek Matrako hil zuen minbizitik atera nahian, eta Osakidetzak laguntzen ez ziola, klinika pribatu batekin eta banku batekin egin zuten zorraren zati bat ordaintzeko erabiliko da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun