Igor Angulo eta Roberto Sainz presoen heriotzak salatzeko martxoaren 9an egin zen greba egunean izan ziren 108 indarkeria ekintzen "egile edo eragiletzat" jotzen zituen Grande-Marlaskak hirurak.
Errepresio-bitartekoak
Gabriel Elkoro-Arestizabal leioaztarraren aurkako auziaren harira, "PPk iraganean erabilitako errepresio-bitartekoez berriro ere baliatzea" egotzi dio PSOEri Mikel Etxaburu Batasuneko mahaikideak eta horiekin amaitzeko exijitu du. "Jarrera horrek, lagundu beharrean, oztopoak baino ez dizkio jartzen Euskal Herrian zabaldu beharreko prozesu demokratikoari", zehaztu duenez. Hain zuzen ere, "horiek (atxiloketak, tortura,...) baztertu eta bideari ekiteko garaia" dela aipatu du Etxaburuk; lehenengo urratsa, alderdien mahaia sortzea litzatekeela argituz. "Euskal Herriari utzi behar zaio prozesu demokratikoa abian jartzen. Halaber, euskal herritarren hitza errespetatu behar da", gaineratu du.
PSE-EEk jarritako salaketagatik epaitu dute gaur Gabriel Elkoro-Arestizabal leioaztarra
Uribe Kosta eskualde osoko ezker abertzaleko ordezkarien babesa jaso du gaur goizean, Getxoko Justizia Jauregiaren atarian, Gabriel Elkoro-Arestizabal leioaztarrak; baita Batasuneko hainbat mahaikideena ere, Ibon Arbulu eta Mikel Etxaburu, tartean. Martxoaren 30ean Leioako PSE-EEren egoitzaren aurrean egindako elkarretaratzeagatik epaitu dute Elkoro-Arestizabal, bertoko alderdi konstituzionalistak jarritako salaketaren harira. Hain zuzen ere, aurreko gauean, Fernando Grande-Marlaska Espainiako Auzitegi Nazionaleko epaileak emandako Arnaldo Otegiren aurkako espetxeratze agindua salatzeko deitua zegoen kontzentrazioa, herriko etxearen aurrean. Epaileak 250.000 euroko fidantza ezarri zion Batasuneko bozeramaileari kartzelatik atera ahal izateko; eta 200.000 eurokoa Juan Joxe Petrikorena ezker abertzaleko alderdiko komunikazio arduradunari eta Juan Mari Olano Askatasuneko eledunari. Olano eta Petrikorena martxoaren 15ean eta 16an kartzelatu zituzten, hurrenez hurren.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun