Baina, aspaldiko joerari fidela da UEU eta ikastaroez gain, irakaste-ikaste eredu ezberdin eta parte hartzailea erabiltzen dute. Gainera, unibertsitate euskaldunak duen topagune izaera beti izan da baliogarria jendea ezagutzeko.
Eskualdeko hainbat erakundek ematen ohi dute bertan parte hartzeko dirulaguntzak, baina aurten oraindik Erandioko Udalak baino ez du hori baieztatu. Litekeena da beste udaletan dirulaguntzak izatea eta UEUk gomendatzen du Euskara Zerbitzuekin harremanetan jartzea. Era berean, Bizkaiko Foru Aldundiak eta Irale programak ikastaroetan parte hartzeko dirulaguntzak ematen dituzte.
Argibide gehiagorako: http://ikastaroak.ueu.org.
Udako Euskal Unibertsitatearen uztaileko ikastaroetan izen-ematea zabalik izango da ekainaren 18ra arte
Urtero Udako Euskal Unibertsitateak (UEU) antolatzen dituen ikastaroen 34. edizioa izango da aurten Baiona, Eibar eta Iruñean. Beraz, unibertsitate euskaldunak 27 ikastaro eta tailer eskainiko ditu 34. Udako Ikastaroetan eta horretaz gain hainbat saio osagarriak izango dira Baionan zein Iruñean. Ikastaroak Eibarren hasiko dira aurten. Bertan, uztailaren 3tik 7ra ekonomia, kazetaritza, literatura, osasuna eta psikologia disziplinetako ikastaroetan parte hartzeko aukera dago. Horrezkero, uztailaren 10etik 14ra UEUk txangoa egingo du Baionara eta Lapurdiko hiriburuan antzerkilaritza, nazioarteko geopolitika, pedagogia, psikologia, sexologia, yoga eta abar jorratuko dituzte. Sanferminen ostean, berriz, Iruñeako txanda izango da: artea, antropologia, informatika, kimika, literatura, osasuna, psikologia, sexologia, soziolinguistika, soziologia eta abar.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun