Bernardo Atxagaren testu hau narrazio poetikoa da. Ostrukaren mundu bitxian murgiltzen da, ibilbide zoologiko-literario bat markatzen du, aipamen akademikoaz, poema txundigarriz nahiz xelebrekeriaz josia. Mikel Martinez eta Patxo Telleria izango dira aktoreak.
Narrazioa ikuskizun bihurtzea bururatu zitzaien eta hitzari soinua eta irudia erantsi zien, batzuetan narrazioa azpimarratzeko eta bestetan ikuspuntu ironikoa gehitzeko; inoiz ere hitzen ezkutuko aldea erakusteko, subkonszienteak edo metakonszienteak sortutako metafora bisualak sortuz.
Euskal Herriko Unibertsitateko (EHU) Bizkaiko campusak bere ekitaldi kulturalen eskaintzarekin darrai eta, asteazken honetan, antzerki eta dantza ikuskizun bana eskainiko ditu. Sarrera librea eta doakoa izango da, EHUko iturriek gaur iragarri dutenez. Horrela, 12:00etan, Leioako areto nagusian, "Artekintza.ehu" ikuskizuna izango da. Ekitaldi honek diziplina artistiko ugari biltzen ditu: musika, bideo-sormena, dantza, antzerkia eta pintura. EHUko dantza taldeak parte hartuko du ikuskizunean. Bestalde, ordu berean, baina Ekonomia eta Enpresa Zientzien Fakultatean (Sarriko), Bikoteatroa taldeak "Lezio berri bat ostrukari buruz" (argazkian, kartela) obra eskainiko du. Bigarren saioa 20:00etan izango da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun