Hain zuzen ere, EAJri bota diote popularrek arrain hiruarantza arriskuan egotearen errua. Aldekoak azaldutakoaren arabera, behin baino gehiagotan baztertu dute Batzar Nagusiek aipatu espeziea babesteko planari ekitea, jelkideek "ekinbide garrantzitsuagoak zeudela argudiatuz, gauzatu ez direnak gainera". "Eusko Jaurlaritzan, aldiz, Eskuinaldean arrain hiruarantza erabat desagertuta zegoela aitortu zuen EAJk", nabarmendu du PPko ordezkariak.
"Aldundiaren axolagabekeria eta gaitasunik eza ikusita, Leioa, Erandio eta Getxoko Udalek dominak jartzeari utzi eta, foru erakundeari behingoz bereak diren eskumenak bere gain hartu ditzan eskatuz gero baino ez da aldatuko egoera", Aldekoaren hitzetan, "Kudeaketa Plana arrain hiruarantza desagertzea saihesteko bide bakarra delako, lehendabizi Eskuinaldean eta gero Ezkerraldean".
Arturo Aldekoa Bizkako Batzar Nagusietako PPko ahaldun eta aipatu erakundeko Nekazaritza eta Ingurumen Batzordeko idazkariak gaur goizean Bilbon iragarri duenez, mozio bana aurkeztuko dute popularrek Leioa, Erandio eta Getxoko Udaletan, tokiko korporazioek Aldundiari arrain hiruarantza (Gasterosteus aculeatus) –argazkian– babesteko plana martxan jartzeko exijitu diezaiotela eskatuz. PPko ordezkariaren hitzetan, "2002tik darama Bizkaiko Foru Aldundia espezie hori babesteko Kudeaketa Plana abiatzeko Eusko Jaurlaritzak egindako eskaerari muzin eginez. Bitartean, urtero Galindo, Gobela eta Asua erreketan egiten diren azterketek arrain hiruarantza etengabeko atzerakada jasaten ari dela diote; mehatxua gero eta handiagoa dela eta Eskuinaldean animali horren presentzia ia nabariezina dela, alegia". Gobela eta Asua ibaietan "desagertzeko zorian" dago arrain hiruarantza, Aldekoak ohartarazitakoaren arabera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun