Araba, Bizkaia eta Gipuzkoako kexei dagokienez, Bilbaok 2005 urtean jaso dituzten kexen zioa zein izan den azaldu du eta lurralde horietako erakunde autonomoen eskuduntza diren bi eremuren azpimarra egin nahi izan du: Osasungintza eta herrizaingoa. "Urteko txosteneko ondorioetan ohiko beltzuneak urterik urte are ilunagoak dira", horren aurrean Behatokiak azaldu du neurri eraginkorrak hartzeko garaia dela. "Ezin egon gaitezke urteak joan eta urteak etorri egoeraren argazki bertsua azaltzen", gaineratu du zuzendariak.
Horretaz gain, 2005 urtean euskara erabili nahi izateagatik alboko kalte-ondorioak pairatu dituzten herritarren kasuak azaldu dizkio Behatokiko ordezkariak arartekoari: "Zoritxarrez, euskaldunok bigarren mailako herritarrak izaten jarraitzen dugu, eta askotan jasotzen dugun zerbitzua ez da gaztelaniaz eskatzen dutenena bezain egokia", ohartarazi du. Hizkuntzarengatiko bereizkeria egon badagoela frogatzen duten kasuak helarazi dizkio Behatokiko zuzendariak. Bestalde, justiziaren eremuarekin lotutako espediente batekin egindako jarraipen lana ere azaldu dio Behatokiko zuzendariak Iñigo Lamarcari, herritarrek izaten duten “babesgabezia” agerian jartzeko.
Bilbaok bi erakundeen arteko osagarritasuna ere hizpide izan du. Aurrera begira, elkarlanari ekin behar zaiola uste du Behatokiak. "Eskubideen defentsan lan egiten duten erakundeek ezinbestekoa dute osagarri bihurtzea eskubideen bermea erreala izan dadin", erantsi du Paul Bilbaok arartekoaren aurrean. Horren harira Behatokiak jasotzen dituen kexen berri maizago emango diola jakinarazi dio Lamarcari, "konponbidea harik eta arinen aurkitu ahal izateko".
Euskararen Gizarte Erakundeen Kontseilua
http://www.kontseilua.org
Iñigo Lamarca Euskal Autonomi Erkidegoko arartekoarekin bildu da gaur Paul Bilbao Hizkuntz Eskubideen Behatokiko zuzendaria hizkuntza-eskubideei buruzko urteko txostenaren ondorioak azaltzeko. Aurreko astean, Nafarroako arartekoarekin izan ziren bezala, honetan EAEko egoeraren berri eman dute. Horretarako Euskararen Telefonoan herritarrek egiten dituzten kexen isla den urteko txostenaren ondorioak azaldu dituzte. Behatokiko zuzendariak, urteko txostenaren ondorioak biltzen dituen esaldiaren zergatiak azaldu dizkio arartekoari. "Euskara erabili nahi izatea garestia dela, baina hizkuntza-eskubideak urratzea merke ateratzen dela egiaztatzen dituen hainbat eta hainbat kasu helarazi dizkiogu", esan du Behatokiaren zuzendariak. Izan ere, 2005 urteko txostena aurkeztu nahi izan badiote ere, azken astean kaleratu dituzten epaien inguruko iritzia ere agertu dio Bilbaok. Euskaraz deklaratu nahi izateagatik kartzela zigorra ezarri zioten Asier Basaberen kasua nabarmendu du bereziki. "Onartezinak dira hizkuntza-eskubideak Justizian". Argazkian, ezkerretik eskuinera, Bilbao eta Lamarca.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun