Balzak zuzentzen duen Sailaren arabera, "kontzentrazioen eta bere deitzaileen benetako asmoak" jakiteko "Segik sinatutako karteletan hainbat erakunde eta pertsona publikori egindako mehatxuak" gehitu behar zaizkio kontu horri.
"Ertzaintzarekin liskarra bilatu"
Azkenik, Herrizaingo Sailak espekulatzen du ea Segik deitutako mobilizazioak "Ertzaintzarekin liskarra bilatu eta Poliziaren parte hartzeari buruzko eztabaida faltsuak" bilatzeko estragia izango ote diren.
Ostiralerako hiru elkarretaratze deitu ditu Segi gazte antolakundeak. Hurrenez hurren, Donostiako Prim kalean, PSOE alderdiko egoitza aurrean, 19:00etan; Gasteizko Arka enparantzan, PSOE alderdiaren aurrean, 19:30ean; eta Bilboko Albiako parkean, EBB-PNVren aurrean, 20:00etan. Bestalde, maiatzaren 26an Iruñeako Vianako Printzearen plazan, UPNren egoitza aurrean, deituta dago laugarren kontzentrazioa, 20:30etan.
Gaiaren inguruko berriak:
Segiren elkarretaratzeak galarazi ditu Jaurlaritzak (berria.info)
Segiren kontzentrazioak debekatu ditu Eusko Jaurlaritzak (gaztesarea.net)
Ostiralean Sabin Etxearen aurrean independentziaren alde egingo den kontzentrazioan parte hartzera deitu du Itzubaltzetako Segik
Independentzia aldarrikatzeko "Gazte borrokaz, independentzia" lelopean alderdi politiken egoitzen aurrean Segi k ostiralerako deitutako kontzentrazioak debekatu ditu EAEko Herrizaingo Sailak. Ertzaintzak kaleratutako prentsa-oharrean jakinarazi du horren berri eman diela Gasteizko PSE-EEko egoitzaren aurreko eta Bilboko Sabin Etxearen pareko elkarretaratzeak legalki komunikatu dituzten bi pertsonei. Herrizaingo Sailaren arabera, Donostiako hitzordua ez zaio komunikatu eta beraz hori ere ilegaltzat hartu du. Aipatu deialdiak debekatzeko arrazoia omen da "jakinarazitako ekitaldiak Segi erakunde ilegalizatuak geroago egin duen deialdiarekin bat egitea". Ertzaintzak atera duen ondorioa da norbanakoek jakinarazitako kontzentrazioak eta Segik deitutakoak berdinak direla, "erakundeak legalki antolatu ezin ditzakeenak". Argazkian, Etxarri-Aranatzen aurten ospatutako Gazte Topaguneko irudi bat / Gaztesarea.net
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun