Zuzenbidean lizentziatua, Caracas eta Montevideoko Unibertsitateko irakasle izan zen eta, aldi berean, Euskaltzaindian zein Euskal Ikasketetarako Amerikako Institutuan aritu zen. Bestalde, gerra aurretik "Euzko Deya"n eta "Euzkadi"n egin bezala, erbestean "Egan" eta "Euzko Gogoa" aldizkarietan kolaboratu zuen. Era berean, Ametzaga itzultzaile aitzindarietako bat izan zen euskal literaturan. Besteak beste, Shakespeareren "Hamlet", Juan Ramon Jimenezen "Platero eta biok", Goetheren "Lur-Miña" eta Oscar Wilderen "Reading kartzelako balada" euskaratu eta argitaratu zituen.
Gaiaren inguruko berriak:
Bingen Ametzaga (armiarma.com)
Santi Onaindiak idatzitako Bingen Ametzagaren biografia laburra (armiarma.com)
Bingen Ametzaga (Eusko Jaurlaritza)
Bingen Ametzaga (Argia)
Bingen Ametzaga erbestean hildako Getxoko zinegotziaren olerkiak argitaratuko dituzte
Hilabete honetan zehar, Algortako semea izan zen Bingen Ametzaga politikari, itzultzaile eta olerkigileren poema sakabanatuak eta poesia itzulpenak argitaratuko ditu Susa literatura argitaletxeak "Itsaso aurrean" izeneko liburuan bilduta. Argitaletxeak jakinarazi duenez, "laster" argitaratuko den liburu horretan Ametzagak 1919 eta 1968 bitartean egindako lanak topatu ahal izango dira. Bingen Ametzaga 1901 urtean jaio zen Algortan eta 1913an Pedro bere aitak Algortako batzokia egiteko lurrak EAJri eman ostean, Bingen jelkide egin zen. Espainiako II. Errepublika ekarri zuten 1931ko apirileko hauteskundeen ostean, Bingen Ametzaga, Jose Antonio Agirre eta beste zinegotzi abertzale batzuek Espainiako II. Errepublika aldarrikatu eta Euskal Errepublikarako proiektua aurkeztu zuten Getxoko udaletxeko balkoitik. 1937an Agirrek Euzko Jaurlaritzako Hezkuntzarako ministroa izendatu zuen. Ondoren atzerrira jo zuen, Ingalaterra, Argentina, Uruguay eta Caracasera erbesteratu zen eta azken hiri honetan bizi izan zen 1969an hil artean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun