Euskal kulturarako dirua ematea "xahuketatzat" jotzea egotzi diote Getxoko PPri
"Berriro ere oinarririk gabeko kritikak egitea" leloratu dio Getxoko PPri Imanol Landa Presidentzia zinegotziak, oraingoan apirilaren 6tik 9ra bitartean ospatu zen Kantuketan musika zikloari dagozkionak. Izan ere, egitasmo horretan egindako gastua "gehiegizkotzat" jo zuen orain bi egun Marisa Arrue tokiko popularren bozeramaileak. "Diru publikoa zorroztasun handiagoz kudeatzea eskatu diogu Iñaki Zarraoa alkateari, aipatu gastua –70.000 euro popularrek emandako datuen arabera– neurrigabea dela uste dugulako, bizkaitarrek barne hartuta ez dauden premiazko beharrizanak dituztela kontutan hartuta". Horren harira, PPk Gobernu Taldeari neurriz kanpoko gastuak egitea behin eta berriro leporatzea “azpimagarritzat" jo du Landak, batik bat, "horiek euskal kultura eta hizkuntza sustatzeko direnean”. Argazkian, kontzertua Algortako Portu Zaharreko karpan.
Presidentzia zinegotziak azaldutakoaren arabera, “aipatutako dirulaguntzei lotutako datuak manipulatzeaz gain, musika-ziklo honetarako beste erakunde batzuek emandako dirulaguntzak aipatu gabe utzi dituzte popularrek. Lau ediziotan, musika ekimen honekin 25.000 lagunek baino gehiago disfrutatu dute eta, esatebaterako, Bizkaiko Foru Aldundiak iaz 15.000 euroko dirulaguntza eman zuen eta, gure aurreikuspenen arabera, Eusko Jaurlaritzak aurten ere zerbait emango du”. Getxoko Udalak aipatutako ekimenaren alde lanean segituko duela gaineratu du Landak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun