Uribe Kostako Mankomunitateko Euskara Zerbitzuaren eskutik, maiatzaren 3an eman zitzaion hasiera Euskaraz Olgetan egitasmoko bigarren edizioari. Gauzak horrela, urrira bitartean (abuztua kenduta), astean behin izango dira haur, gazte eta batzuetan familia osoari zuzendutako ekintza eta tailerrak, udalerri bakoitzean, hots, Lemoiz (astelehenetan, 17:30etik 19:30era), Urduliz (asteazkenetan, 17:30etik 19:30era), Plentzia (ostegunetan, 17:30etik 19:30era), Sopela (ostiraletan, 18:00etatik 20:00etara), Barrika (larunbatetan, 11:00etatik 13:00etara) eta Gorlizen (12:00etatik 14etara). "Horren bidez, aukera eman nahi diegu familiei euskarazko aisialdia eskain diezaieten euren umeei, leku erakargarri batean", adierazi dute Mankomunitateko iturriek. Argazkian, Urdulizen iaz jarri zituzten haurrentzako puzgarriak.
Aste bakoitzean, ekintza ezberdinak egingo dira, egitarauaren arabera. Maiatza eta ekaineko egutegia, lekuak eta egitarauaren berri izateko hemen (jpg) klik egin.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun