Bere burua “kale borroka”tzat joten duen indarkeriak Euzko Alderdi Jeltzalearen hamaika egoitza erasotu ditu azken asteburu honetan. Bortikezkeriaren susperraldi honek Abendaño eta Zaramaga (Gasteiz), Dendarikale (Bilbo), Getxo, Leioa, Azpeitia, Galdakao, Errenteria, Arrasate eta Elorrioko batzokiak izan ditu jomugatzat, baita Araba Buru Batzarraren egoitza ere. Ez da inon kalte pertsonalik izan. Eraso andana hau aurreko ostegunean hasi zen, zenbait ezezagunek Zaramako batzokia, Gasteizen, pinturaz erasan zutenean. Biharamunean, ostiralez, Bilboko Dendarikaleko batzokia oldartu zuten. Larunbat goizeko ordu txikietan, berriz, pintura gorri eta horidun poltsak jaurti zituzten Getxoko batzoki-barrura eta, zenbait ordu geroxeago, beste horrenbeste egin zuten Leioa, Azpeitia eta Galdakaoko batzokietan, baita Araba Buru Batzarraren egoitzaren kontra ere, Gasteizen. Igandean, berriz, Errenteria, Arrasate, Elorrio eta Abendañoko (Gasteiz) batzokiak izan ziren erasotuak. Argazkian, Leioako batzokian agertutako pintaketa bat.
Erasorik larriena Dendarikaleko batzokian gertatua izan da, aurreko ostiral gauean, berrogeita hamar inguru mozorrotuk hango egoitzara bertaratu eta hainbat kalte eragin zutenean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun