Gizon bat atxilotu dute Getxon indarkeria erabilita lapurtu eta mehatxuak egitea leporatuta
Ostiral goizean, 46 urteko gizonezko bat atxilotu zuten Neguriko ertzain-etxeko agenteek, indarkeria erabilita lapurtu eta mehatxuak egitea leporatuta. Eusko Jaurlaritzako Herrizaingo Sailak adierazitakoaren arabera, biktimari aurpegian ukabilkada eman eta zorrotik dirua eta dokumentazioa ostu zizkion. "Azkenaldian biktima mehatxatzen zuen eta dirua eskatzen zion. Aurretik, lan-harremana izan zuten biek", polizia iturriek gaineratu dutenez. Salatutako gertaerak duela bi hilabete jazo ziren Leioan: biktima Larramendi plazan zegoela eraso zuten. Ertzaintzak gertaeren berri izan zuenean, erasoaren eta mehatxuen ustezko egilea, Barakaldoko M.A.S.V. 46 urteko gizonezkoa, bilatzen hasi zen. Ostiral goizean atxilotu zuten Getxo udalerrian.
Herrizaingo Sailak jakinarazitakoaren arabera, jazoeren egilea ezagutzen zuen biktimak, izan ere, aurretik lan-harremana izan zuten biek. Egileak ukabilkada eman zion aurpegian eta dirua eta dokumentazioa lapurtu zizkion diru-zorrotik. Geroago jakin ahal izan dutenez, azkenaldian erasotzaileak biktima mehatxatzen eta jazartzen zuen. Telefonoz deitzen zion beldurtzeko asmoz eta, herio-mehatxuen zein bestelako amarruen bidez, ustezko zor bat ordaintzeko eskatzen zion. Biek izan zuten lan-harremanean kontratatutako lan batengatik diru kantitate zehatza eskatzen zion erasotzaileak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun