Besteak beste, euskararen erabilera areagotzea umeen aisialdian, neska-mutilei hizkuntzarekiko jokabide positiboa ezagutaraztea eta aisialdia bera euskararen bidez ezagutu dezatela dira Uribe Kostako Mankomunitateak antolatutako udalekuen helburua. Baita umeengan talde dinamika sortzea eta elkarbizitza jokabideak, gaitasun fisikoak eta gorputzaren adierazpen gaitasuna garatzea ere, neska-mutilek jarduerekin goza dezatela ahaztu gabe.
Plentziako udalekuen ezaugarriak (6-12 urte)
- Noiz: uztailaren 3tik 21era, astelehenetik ostiralera
- Norentzat: Uribe Kostako Mankomunitateko udaletan erroldatutako umeentzat (6-12 urte)
- Non: Plentziako institutuan
- Egun osoko ordutegia: 10:00-19:00
- Bazkaria barne (catering zerbitzua)
- Hainbat jarduera egunean zehar: jolasak, tailerrak, irteerak, hondartza...
- Gehienez 50 ume
- Autobus‑zerbitzua izango da, herriz herri
- Prezioa: a) normala: 120 euro / b) familia ugarientzat: 85 euro / c) oinarrizko errenta jasotzen dutenentzat: 20 euro
- Izena emateko epea: ekainaren 2ra arte
- Eskarien onarpena: heltzen diren hurrenkeraren arabera
- Informazio gehiago: 946 762 674 (Garikoitz)
Lemoizko udalekuen ezaugarriak (3-6 urte)
- Noiz: uztailaren 3tik 28ra, astelehenetik ostiralera
- Norentzat: Lemoizen erroldatutako umeentzat (3-6 urte)
- Non: Lemoizko eskolan (Urizar auzoan)
- Goizez baino ez: 10:30-13:30
- Hainbat jarduera egunean zehar: jolasak, tailerrak, irteerak, igerilekuak...
- Gehienez 30 ume
- Ez da autobus‑zerbitzua izango; gurasoek eraman beharko dituzte umeak
- Prezioa: a) normala: 30 euro / b) familia ugarientzat: 21 euro / c) oinarrizko errenta jasotzen dutenentzat: 5 euro
- Izena emateko epea: maiatzaren 29tik ekainaren 8ra arte
- Eskarien onarpena: heltzen diren hurrenkeraren arabera
- Informazio gehiago: 946 762 674 (Jose)
Uribe Kostako Mankomunitateko Euskara Zerbitzuak udaleku irekiak antolatuko ditu Plentzia eta Lemoizen, umeen adin-tartea kontuan hartuta. Gauzak horrela, uztailaren 3tik 21era bitartean, 6 eta 12 urte bitarteko neska-mutilei zuzendutako jarduerak egingo dituzte Plentziako institutuan, 10:00etatik 19:00etara. Horietan, mankomunitateko edozein udaletan erroldaturiko haurrek eman ahal izango dute izena, ekainaren 2ra arte. Lemoizeko udalekuak, berriz, 3 eta 6 urte bitarteko umeentzat izango dira eta udalerri horretan erroldatutakoek baino ezin izango dute parte hartu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun