Maiatzaren 17an, mundu mailan lehenengo aldiz ospatu zen Internet, Telekomunikazio eta Informazioaren Gizartearen Egunaren harira, "bitakora bat hiritar bakoitzarentzat" izeneko kanpaina martxan jarri zuen Europa Press berri-agentziak. Horri helduz, Koaderno Hiritarrak (www.hiritarrok.net) ekimena sareratu du Sopelako Udalak. "Udalerriko ikuspegitik, herritarren artean teknologia berrien erabilera sustatzea eta, aldi berean, adierazpen eta informazio askatasuna eta hiritarren partaidetza erraztea" da horren helburua, udal arduradunek adierazitakoaren arabera. Gauzak horrela, Sopelako auzokide eta elkarteek egunkari propioa egin ahal izango dute Interneten (bitakora), tokiko testuinguru batean oinarrituz. Argazkia: Javi Casas Athletic-eko jokalaria izan da Koaderno Hiritarrak ekimeneko lehendabiziko erabiltzaileetako bat.
Halaber, udalerrian bertan bizi diren edo harekin lotura duten pertsonek argitaraturiko gainontzeko bitakoretara sartzeko modu erraza eskaintzen du, "ziberespazioan toki-komunitate honek osatzen duen giza-aberastasunaren isla ahalik eta zehatzena lortzeko asmoz".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun