Getxoko Udalean Ezker Batuko Aitor Lafuente ari da duela hiru urtetik Getxo Biziari dagokion zinegotzi postua okupatzen. Postu horrek gehiengo osoa ematen dio EAJ-EA-EB Udal Gobernuari eta behin baino gehiagotan baliatu izan dute bozketak euren alde aurrera ateratzeko, maiz Getxo Biziak publikoki kontrako iritzi eta jarrera aurretik agertuta ere bai. Uko egin diote herriaren borondatea entzuteari eta hauteskunde emaitzak errespetatzeari.
Hiru urte geroago bada herriari dagokiona itzultzeko garaia! Oso ondo dakite EAJ, EA eta bereziki EBko ordezkariek, Getxo Bizia herri plataformak dagokion zinegotzi postua betetzeko bide posible eta legalik egon badagoela.
Getxo Bizia herri plataforma
Aitor Lafuenteren dimisioa eskatuko du ostiraleko udalbatzarrean Getxo Biziak
Ostiral honetan, maiatzak 26, izango den Udaleko Osoko Bilkurarako mozioa aurkeztu egin du Getxo Bizia herri plataformak; udal erregistroan pasa den astearen bukaeran aurkeztu genuen. Mozioaren testua duela pare bat aste helarazi genien Udal Gobernuko EAJ, EA eta EBko ordezkariei. Denbora pasatzen utzi dute eta ez digute ez baiezkorik ez ezezkorik erantzun, eta bestelako proposamenik egiteko ere ez dira kapaz izan. Ostiralean, mozioa defendatzeaz gain, guztien jarrera salatzeko ordu erdiko kontzentrazioa egingo dugu udaletxe atarian, 9:30ean hasita, "No apartheid - Getxoztarren borondatea errespetatu! Aitor Lafuente dimisioa orain!" lelopean. Goizeko mobilizazioaz gain, ostegun arratsalderako manifestazioa deitu du Getxo Biziak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun