“PPek eta beste alderdi batzuek hondakinak tratatzeko hitzarmenaren kontra bozkatu zutelako eraman behar dira aurrera lan horiek. Zaborrak zabortegian botatzen segitu behar izatea eragin zuen horrek, zabortegia berreskuratzeko lanak geldiaraziz", aurpegiratu die Uriartek. Nahiz eta zehatz-mehatz ez aipatu, PSE-EE eta udal gobernuko kide den EB-Berdeak taldeei buruz ere ari zen Hirigintza zinegotzia. Berak gogoratu duenez, hitzarmen horrek bat egiten zun Bizkaiko Batzar Nagusiek, PPren laguntzarekin onartu zuen Hiri Hondakin Solidoen Lurraldeko Planaren betebeharrekin.
Erantzunkizunak
Uriartek esandakoaren arabera, “erantzunkizunez hitz egin behar bada, PP da erantzulerik handiena, bere jokabideak ere eragin duelako zabortegia berreskuratzeko diru gehiago gastatu behar izatea. Bestela, azal dezatela zergatik bozkatu zuten alde Batzar Nagusietan eta, berton, kontra; edo zergatik eskatu zuten prentsaurreko batean Udalak Foru Aldundiarekin akordio bat hitzartzea eta, akordio hori Getxoko osoko bilkurari aurkeztu zitzaionean, berriro kontra bozkatu zuten, Getxo eta bere herritarren interesak bost axola zaizkiela eta bilatzen duten bakarra Udal Gobernuko taldeen arteko konfrontazioa dela erakutsiz”.
Zabortegia zabalik ala itxita ote dagoen tirabiraka aritu dira Getxoko PP eta Udala
“Getxoko PPek informazioa manipulatu du berriro, zabortegia berriro zabaldu behar izan dela sinistarazi nahi izan dielako herritarrei, errealiatea hura berreskuratzeko lanak egiten ari direla denean. Lan horiek aurretik egin behar ziren, baina popularrek, beste alderdi batzuen artean, kontrako botua eman eta hori egitea oztopatu zuten”. Hitz horiekin erantzun dio Andres Uriarte Hirigintza zinegotziak tokiko popularrek udal zabortegiaren gainean gaur zabaldutako prentsa oharrari (pdf, erderaz). "Joan den apirilaren 6tik hona ez da zaborrik bota bertan", Uriartek azpimarratutakoaren arabera. Era berean, ostiraleko osoko bilkurara eramango duten proposamena, zabortegiko behin betiko berreskurapena lortzeko egin behar diren lanei dagoela lotuta, adierazi du udal ordezkariak. Argazkia: Apirilaren 3an zabortegia itxi eta transferentzia gunea zabaldu zuten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun