Haisera batean, urte beteko iraupena izango du udalerri bakoitzeko Berdintasun Planak. Denbora horretan lehen aipatu teknikaria arduratuko da guztien jarraipena egin eta koordinazio lanetaz. Epe hori amaitutakoan, berriz, izandako lorpenak aztertu eta planak moldatu egingo dituzte, beharrizan eta arazo berrien arabera.
Gaiaren inguruko berriak:
Berdintasun Atala izango du Uribe Kostako Mankomunitateak (2006 Mar 03)
Berdintasun Planak lantzen hasi dira Uribe Kostako Mankomunitateko udalerrietan
Dagoeneko tokian-tokiko Berdintasun Planak lantzen hasi dira Uribe Kostako Mankomunitatea osatzen duten zazpi udalerriek (Berango, Sopelana, Urduliz, Barrika, Plentzia, Gorliz eta Lemoiz). Erakundeko iturriek prentsa-ohar bidez jakinarazitakoaren arabera, udal bakoitzak berea egingo du eta udalbatzarrak berak onartu beharko du. Gauzak horrela, lehenengo zirriborro bat uztailean eztabaidatu ahal izatea espero dute herri bakoitzean, "alderdi politiko eta nahi duten talde guztiek ekarpenak egin ahal izan ditzaten". Behin, aldaketak eginda, irailean onartuko lirateke Berdintasun Planak; baita Berdinsarea emakume eta gizonen berdintasunaren aldeko eta emakumeenganako indarkeriaren aurkako EAEko udalen sarean sartzea eskatzea ere. Mankomunitatean Berdintasun arloan lan egingo duen atal berria sortu eta gai horretan aditua den teknikari bat kontratatzeko asmoari lotuta dago udalerri bakoitzak Berdintasun Plana izateko ekimena. Argazkian, Juan Olea Mankomunitateko presidente eta Urdulizko alkatea, Miren Dobaran Berangoko udal agintaria lagun duela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun