“Getxoko Udalaren Ingurumen Arloak urteak daramatza biodibertsitatea babestearen aldeko kudeaketa lanak egiten”, azpimarratu zuen Burzakok. “Izan ere, bertoko errekurtsoak erabili ditugu udalaz kanpoko beste erakunde batzuei zegozkien ekintzak aurrera eramateko; horrela, gune bisitagarria, atsegina eta bestelako arazorik gabekoa eduki ahal izateko”, gaineratu zuen.
Azterketa lanak
Biologo batek zuzendutako ingeniari taldeak hainbat azterketa lan egin du, azken urteoan, Bolue hezegunean, Gobela ibaian, eta Larrañazubi errekan, besteak beste; arrantza elektrikoan oinarritutako laginketen bidez inbentario faunistikoa egiteko. Burzakok emandako datuen arabera, 2003an Gobela ibai-ibilgunean bakarrik antzeman zuten arrain hiruarantza, batez ere landaretza urtarra zegoen guneetan (espeziearen berezko habitata, hain zuzen ere). "Ordutik hona, arrainaren hazkunde-tasaren igoera baieztatu dute ikerketen, printzipioz ibai-ibilgunean egindako kudeaketaren aldaketagaitik eta dragatzeko lanak egiteari utzi egin ziotelako eta, orain, zaborrak eskuz kentzen ari direlako", Ingurumen zinegotziaren hitzetan. Gaur egun, arrain hiruarantza ugaltze aldian dago. Hori dela eta, datorren irailean beste laginketa bat egitea aurreikusi dute udal arduradunek, orain arte jaso dituzten datuak egiaztatzeko.
Gaiaren inguruko berriak:
Gobela eta Asuan arrain hiruarantza babesteko eskatuko du PPk (2006 Mai 16)
Getxo udalerrian, arrain hiruarantzaren egoera kritikoa denik gezurtatu zuen, atzoko prentsaurrekoan, Fernando Burzako Ingurumen zinegotziak, "biodibertsitatea babesteko egindako tokian tokiko hainbat ikerketek horrela frogatzen baitute". Horrela erantzun die Burzakok, orain dela egun batzuk, Arturo Aldekoa Bizkako Batzar Nagusietako PPko ahaldun eta aipatu erakundeko Nekazaritza eta Ingurumen Batzordeko idazkariak egindako adierazpenei. Arrain hiruarantza "atzerapen nabarmena" jasaten ari dela aipatu zuen popularren ordezkariak eta, eskuineko ibaiertzetan horren presentzia "testimoniala" dela. Ingurumen udal arduradunak, aldiz, adierazpenak "faltsutzat eta alderdikoiatzat" jo zituen, eta horietan "irainak bota" direla gaineratu zuen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun