Joseba Sanchez Matrako, gure laguna, 2004ko azaroaren 19an hil zen. Minbiziak eraman zuen gure ondotik. Sei hilabetez ibili zen Osakidetzako egoitzatik egoitzara etengabeko joan-etorrietan urdaileko birusa zeukalakoan. Osakidetzak, lehenago minbizia zeukala egiaztatzeko kapaz ez, eta zer eginik ez zegoela esan beste ezer ez zuen egin. Hori ikusita Matrakoren familiak klinika pribatu batera eramatea erabaki zuen. Egun, familiak banku batekin zor ikaragarria dauka; administrazioak ez du inolako laguntzarik eman, eta justiziaren bidea itxita dago jada.
Horregatik antolatu genuen Matrako jaia, Matrakoren familiari bidegabeko zorra ordaintzen laguntzeko. Guk aurrera segituko dugu helburu horrekin, baina larunbatekoa sekula ahaztuko ez dugun ekarpena izan da. Eskerrik asko!
Matrako jaiaren antolatzaileen izenean, Gaizka Sanchez "Berria"ra bidalitako gutuna
Gutun honen bidez guk, Matrakoren lagunok, gure esker onik handiena adierazi nahi dizuegu, gure izenean eta Matrakoren familiaren izenean, aurreko larunbatean, hilak 20, Kukutza Gaztetxean ospatu zen Matrako jaia antolatzen lagundu diguzuen guztioi eta baita ere Matrako jaian modu batean zein bestean parte hartu zenuten guztioi: Matrako jaiaren berri zabaltzen lagundu duzuen guztioi; Matrako jaira hurbildu eta zuon elkartasuna adierazi zenuten guztioi; lehenago edo egunean bertan lagundu zenuten Matrakoren lagun guztioi; egundoko egitaraua osatu zenuten Bosko el Tosco y su puta banda, El Deseo del Doctor, La Rhumba Atómica, Obligaciones, Gaizka Pereda, Mimoloco, Basque Radical Funk, Jesus Pueyo, Aritz Merino, Ander Lipus eta El Destilador de Ideas-i; besteak beste aurreko guztiak batzea ahalbidetu zenuten Brixton Records-i; dena behar bezala izatea posible egin zenuten Krik Krak soinu enpresari; zuen artisau lanak zozketarako eman zenituzten Zaloa, Marta eta Javiri; Patxi garagardo banatzaileari; eta, nola ez, Kukutza Gaztetxeari, gaztetxea bera eta gaztetxeko barra uzteagatik. Zuei guztioi esker Matrakoren familiak duen zorra apur bat arintzea lortu dugu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun