Martinezen arabera, alkateak "Gobernu Kontseilutik egiten du udal kudeaketa, inori kontuak eman gabe eta oposizioko alderdi poltikoei ez die kontrol lana egiten uzten, horretarako eskubide guztia duten arren".
Azkenik, Martinezek biziki kritikatu du Dobaranek udal batzarrak arratsaldeko 7etan ez egiteko "argudio xelebrea". Izan ere, Dobaranek aipatu zuen hori "gizonezkoen ordutegia dela eta emakumezkoek seme-alabak zaindu behar dituztela". Martinezen aburuz, argudio horrek "ez du hankarik ez bururik, matxista eta lotsagarria da eta alkatearen beraren interesak baino ez ditu defendatzen".
Koldo Martinez Berangoko EB-Berdeak taldeko zinegotziak Miren Dobaran (argazkian) Berangoko alkateari dimisioa aurkez dezan eskatu dio, 2005eko uztailetik 2006ko maiatzaren 25era arte 10 hilabete egon delako ohiko udalbatzarrera deitu gabe. Martinezek gogoratu duenez, Dobaranek "nabarmenki urratu du osoko bilkura bi hilabetean behin egin behar dela agintzen duen Udal Arautegi Organikoa". Era berean, Ezker Batuak ez du baztertzen alkatearen kontra epaitegietan agertzea. Ezker Batuko ordezkariak "eskandalutzat" jo du "Berango bezalako udalerri batean" 2005eko uztailetik orain dela egun batzuk egin zen udal batzarrera arte herriak dituen beharrak aztertzeko bilerarik ez izatea. Gainera, EB-Berdeek salatu dute Makomunitateko informazio batzordea eta beste batzorde asko ere ez direla bildu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun