Dena dela, aipatu behar da medikuen arabera estres, zarata eta arazorik gabeko egoera batean izan beharko litzatekeela. Gutxienez 15 egun lasaitasun osoz igaro beharko zuen ebakuntzaren ondoren. Baina, astebete pasa eta zuzenean berriro espetxera bidali zuten. Anjelek tratamenduarekin jarraitu beharko du, eta denborarekin ikusiko da ebakuntzaren eragina.
Amnistiaren Aldeko Mugimenduaren arabera Figueroak "orain daukan arazorik handiena horixe da, lasaitasun osoa behar duela, eta espetxean denok dakigu zer dagoen. Beraz, nolabait esateko bere egoera kezkagarria dela esan beharko dugu, bere kasuan lasaitasun ezak trastornoak ere eragin ahal dizkiolako". Tratamenduaz gain Gurutzetako medikuek jarraipen zuzena egin beharko diote abendura arte gutxienez gaixotasunaren bilakaera jarraitzeko.
Anjel Figueroa Algortako presoa maiatzaren 9an operatu zuten Gurutzetako ospitalean, gaur Etengabe.org bitakorak jakinarazi duenez. Aipatu komunikabidearen arabera, "ebakuntza oso delikatua izan da, arrisku portzentaia nahiko handia baitzuen. Dena dela, ebakuntzaren ondorioak guztiz baloratzeko denbora gehiago behar izango den arren, ebakuntzaren arriskuak pasa ditu behintzat". Egun, Figueroa Langraitzeko espetxean dago, maiatzaren 16tik. Langraitzera heldu zenean espetxeko ospitalera eraman nahi izan zuten, baina Figueroak berak eskatu zuen modulora eramatea, "bertan diren burkideen laguntza izango duelako. Izan ere, espetxeetako ospitaleak isolaturik utziko zuen, laguntza gehien behar duen momentuan hain zuzen".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun