Ocaña I espetxea
Ocañan pasa den apirilaren 2an bisitetarako zerrendako lagun kopurua 10era murriztu behar zutela esan zieten. Era berean, “de facto” eskulanak debekatu zizkieten, horretarako materialak pakete bidez sartzea debekatu baitzieten, eta demandaderoan ez dago erabil daitekeen ezer ez. Horren aurrean zuzendaritzari adierazi zioten ez zutela lagunen murrizpena onartuko, zerrenda hori 3 hilabetero aldatzerik egon ezean.
Bestalde, aurrez-aurrekoen irteeran, miaketa integralak egiten hasi dira eta Dañobeitiaren arrebari 6 hilabeteko zigorra ezarri diote, aurrez-aurrekoetara joateko debekua ezarriz. Zigorra aurrez-aurreko bat egin ondoren etorri zitzaion, miaketari uko egin gabe Unai biluztu ez zelako. Gainera, miaketan ezer ez topatu arren, pribazio zigorra ezarri zioten, demandaderoan murrizketak, mehatxuak... Almandozi ere antzekoa gertatu zitzaion, biluzketari uko egin eta miaketa integralean bere neska-lagunaren eskutitza aurkitu zioten, horren ondorioz 6 hilabeteko zigorra ezarri diote familiari. Espetxeak hartu dituen erabakien ondorioz, egoera salatzeko bertan dauden euskal preso politikoek maiatzaren 4an plante bat egin zuten.
Ocaña I espetxean dauden euskal preso politikoei komunikazioetan murrizketa gehiago ezarri dizkiete eta hauekin batera miaketa integralak egiten dizkiete ere, Etengabe.org bitakorak jakinarazi duenez. Gainera, bertan dauden bi presoen senideri 6 hilabetez aurrez-aurrekorik gabe utzi dizkiete. Ocañan Ibai Aginaga Ginea (argazkian) dago, beste zazpi euskal presorekin: Unai Dañobeitia, Fernando Elejalde, Bittor Franco, Koldo Hermosa, Balentin Lasarte, Roberto Lebrero eta Mikel Orbegozo. Bestalde, Jaen, Curtis eta Castelloko espetxeetan dauden euskal presoei 10 laguneko bisita-zerrendak ezarri dizkiete, Espainiako beste kartzela askotako jarduera kopiatuz. Uribe Kostako presoei dagokienez, Curtisen Erandioko Lurdes Cerrato, Algortako Galder Bilbao eta Sopelako Sergio Polo daude; Jaenen, berriz, Berangoko Jagoba Terrones; eta Castellon Berangoko Orkatz Gallastegi.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun