Aipaturiko 8.049 ikasleek 51 epaimahaitan egongo dira banatuak: 8 Araban, non 930 ikasle (313 euskaraz) aurkeztuko diren; 16 Gipuzkoan, non 2.814 ikaslek (1.922k euskaraz) egingo duten azterketa, eta 27 Bizkaian, non 4.305 ikasle (1.947 euskaraz) aurkeztuko diren selektibitatera.
Epaimahaiak
Zehazkiago, Araban, Gasteizko campuseko fakultateetan dira bost epaimahai, beste bi Elurretako Ikasgelategian, eta zortzigarrena, berriz, Laudioko Canciller Ayala Bigarren Hezkuntzako Institutuan. Gipuzkoako 13 epaimahaiak Donostiako hainbat ikastegitan egongo dira (horietatik lau Ignacio Maria Barriola Ikasgelategian) eta beste hiru Eibarko Ingeniaritza Teknikorako Unibertsitate Eskolan. Bizkaian, azkenik, Leioako campuseko lau ikastegitan 13 epaimahai egongo dira; EHUren Bilboko fakultate eta eskoletan, berriz, hamaika epaimahai; epaimahai bi Portugaleteko Nautika Eskolan egongo dira; azkena Barakaldoko Meatze Ingeniaritza Teknikorako Unibertsitate Eskolan izango da.
Bihar hasiko dute 8.049 ikaslek selektibitatea EHUn, horietatik 4.182k euskaraz
Euskal Autonomia Erkidegoko 8.049 ikaslek bihar hasiko dituzte hautaproba azterketak Euskal Herriko Unibertsitatean. Igaz bezala, selektibitatea euskaraz egiten duten ikasleak (4.182), gaztelaniaz egingo dutenak baino gehiago dira (3.867) aurten, EHUko iturriek gaur jakinarazi dutenez. Azterketak arratsaldeko lauetan hasiko dira. Lehendabizi, Hizkuntza eta Literatura proba izango da, eta gero Historia eta Filosofia; ostegunean, 10:00etatik 13:00ak arte eta 16:00etatik 19,00ak arte, Batxilergoan egindako espezialitateko nahitaezko eta hautazkoen probak izango dira (Batxilergo Artistikoko ikasleek proba hauek Arte Ederren Fakultatean egin beharko dituzte). Azkenik, ostiralean, 10:00etatik aurrera, Euskara azterketa izango da, eta gero aukeratutako atzerriko hizkuntzakoa (ingelesa, frantsesa edo alemana).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun