Gorlizek auzo berria izango du Andra Mari Axpen
2006ko eka. 6a, 22:21
Gorlizko Udalak Andra Mari Axpe sektorearen urbanizazioa onetsi du. Jarduketa horren helburu nagusien artean San Jose auzoaren ingurua sustatzea dago –esparru berean kokatuta dagoena-, kontuan hartuta auzo horretan etxebizitza gehiegi ez ezik, nahiko narriatuta ere badaudela "1960 inguruan eraiki zirelako", Patxo Igartua alkateak (argazkian) adierazitakoaren arabera. Jarduketa horretan ezarri da besteak beste galtzada, aparkaleku, espaloi, oinezkoentzako sare eta banaketa sareak zolatuko direla. Halaber, 9.486 metro koadro egongo dira berdegune eta oinezkoentzat, 1.724 metro koadro ikastetxeetarako eta 4.013 metro koadro kirol ekipamenduetarako, udal iturriek zehaztu dutenez. Obra hauek bukatu ondoren, bigarren fasean, 125 etxebizitza eta adosatu eraikiko dira.Auzo berri horren urbanizazioak 73.887 metro koadro atzemango ditu eta gutxi gorabehera 576 biztanle izango ditu. Eragiketa hauek guztiak Udal Plangintzarako Arau Subsidiarioen barruan sartu dira eta 1993an onetsi zen Plan Partzialaren barruan garatu dira, "horren barruan, aldi berean, ezarri da eraikitzerakoan hautatuko den jarduketa sistema lankidetza sistema dela", adierazi du Igartuak. Obrak aste bateko epean hasiko dira, aurrikusitakoaren arabera, eta horiek betearazteko denbora urte batekoa da. Obra hauen kostua 3.227.204 eurokoa da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun