Birziklatze sistema berri honetan interesa duten ostalariak zenbat diren jakin eta gero hasiko dira edukiontzi berriak apurka apurka jartzen. Hasiera batean 25 bat izango dira. Kanpainarekin bat egingo duten ostalaritzako saltoki guztiei eranskin bana emango zaie, konpromisoaren bereizgarritzat erabiltzeko. Fernando Burzako Ingurumen zinegotziak, atzo, kanpainaren aurkezpen ekitaldian nabarmendutakoaren arabera, “saltzen diren botilen erdia kontsumitzen du ostalaritza sektoreak eta, horregatik, berebiziko garrantzia du esparru honetan, birziklatzen den beira kopurua %100ean handitzea. Taberna eta jatetxe askok sastarretara botatzen dituzte botilak, oraindik”.
Atxikimendua
Identifikazio txartela aldean daramatela, ingurumen-hezitzaileek 386 ostalaritzako saltokiak bisitatuko dituzte eta ostalariei “Heman beira birziklatzen dugu” lelopeko kanpainarekin bat egiteko aukera emango zaie, atxikimendu agiri bat sinatuta. Bi eredu izango ditu agiriak: bata ontzia eta giltza eskatzen dutenentzat eta, bestea, ohiko sistemarekin birziklatzeko konpromisoa hartzen dutenentzat. Hala ere, ohiko edukiontziak zaharkitu ahala, berriengatik aldatzen joango dira.
Ostalaritzan beira birziklatzea sustatzeko, edukiontzi berriak jarriko ditu Getxoko Udalak
Getxo udalerriko 386 hotel, taberna, jatetxe eta kafe-etxeek pilatzen dituzten botila "guztiak" edukiontzietara heldu daitezen, kanpaina berria abian jarriko du tokiko erakundeak, beira birziklatzea areagotzeko asmoz. Besteak beste, birziklapenak dituen abantailen ganeko informazio zehatza emango zaie ostalariei, elkarrizketa pertsonalizatu eta esku-orrien bidez. Halaber, “iglu” berriak (argazkian) jarriko dituzte establezimenduetatik hurbil. Herritar guztiek erabili ahal izango dituzte horiek, baina giltzez zabaldu eta ixteko leihatilatxoa ere izango dute ostalariek bertatik botilak barrura botatzeko. Era berean, saltokiei gurpildun ontzi bana emango zaie, ahal den neurrian, botilak batu eta inguruko edukiontzira errezago eraman ahal izateko. "Sistema horren bidez, pertsona horien lana erraztu nahi dugu. Izan ere, gaur egun, banan-banan bota behar izaten dituzte botilak, edukiontziaren zuloa txikiegia delako", azaldu dute udal arduradunek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun